Tamtama 11:8 - Nupela Testamen long tokples Kandas

⁸ Ma a minatinder in inep kut una kisapi ina labino tamon di watung larlari nam o Sodom ma o Ijip, a tamon ra di sak wati kai anunder a Labino iai.

Tamtama 11:8 ပူးပေါင်းရင်းမြစ်များ

Matiu 10:15

A inanos mot nama lingmulus, una bung na warkurai, a warkurai torom a tamon ra, in laulau doko taun a warkurai torom a taro Sodom ma o Gomora.

Aposel 9:4

Ra i puku pirso una piso, ra i longoro in nalngan ara i watungi tano lena, “Sol, Sol, sur asau ra u ser ban laulau iau?”

Ibru 13:12

Lenkaira o Iesu i taramo a ngunungut ma i mat nago upiso tan a matansako ina labino tamon, sur in gos talapor a taro nama gapino ut, sur det a taro anun o God.

Ibru 6:6

Ra det in rosumur gusun o God, katutaio in ben pukus lar pas det, sur det in nukpukus. Uni i elar nami ra det sak wat melet a Nutun o God unin nanai kutus, ma det ban umaimai i umatan a taro.

2 Pita 2:6

Ma i pitar a warkurai na minabalu una aru tamon, o Sodom ma o Gomora ra i tun ru der, ra der a kabo kubus mukut. I pami lenra sur a malalar ina sau ra kura numur in nanpat torom a taro ra det rosumur gusun o God.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.

Tamtama 11:13

Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.

Tamtama 11:9

Ma a taro tagun a kum tamon rop, tagun a kum kamkabo taro rop, tagun a wur ngas na wasiso rop, ma tagun a kum gapman rop, det in tama a minatin der a tulu bung ma a kukur, ma ka det in mulaot sur din por der.

Tamtama 14:20

Ma di paspas reseng a kum wino wain unin nutung na wat ra, ra kura upiso tan in noworo ina labino tamon. Ma a gap i sal pat tagun in nutung na wat ra. I walos elar nama tulu mar na kilomita, ma i lubu tito usapat netes tuk una du aen ra i kis una wan a os.

Tamtama 14:8

A manru na ensel i mur ma i watungi lena, “A labino tamon Babilon i sa puku! I sa puku! I ra i pitar a dekdek na wain torom a taro tagun a kum gapman rop, sur det in inum uni. A wain ra, a wain ina nun a pamuk na petutna.”

Tamtama 16:19

A labino tamon Babilon i terege sur a tulu nubual, ma a kum lamlabino tamon anun a taro tagun a kum gapman rop det terege rop. O God i nuk pas a labino tamon Babilon ma i pitar a kap na wain toromi sur in inumi. A kap ra i bukus nama karangop ina nun a kankan.

Tamtama 17:1

Ara tagun a wonom mawit na ensel ra det pam a wonom mawit na dis, i wan torom iau ma i watungi tang lena, “Wan urin, an ese tar ui una warkurai na minabalu torom a pamuk na ino ra a risano i wan sarara una nun a sakino petutna. Kura i kis netes una kum danim.

Tamtama 17:18

A ino ra u tama i, i a labino tamon sakit ra i warkurai sur a kum king una rakrakon bual.”

Tamtama 17:5

Di tumus tar a risano unin masarino, a utna na pidik lenri, a labino tamon babilon, a nan a kum pamuk na ino ma a kum sakino petutna sakit anun a rakrakon bual.

Tamtama 18:10

Det in tur bakbak taru mukut gusuni, uni det ngaran a ngunungut ra din ukadiki nami. Ma det in watungi lena, ‘A labino tamon i sa laulau. I sa laulau! O Babilon, a dekdek na tamon! Una wonom na noino minit sot kut, ama warkurai na minabalu i sa wanpat.’

Tamtama 18:18

Ra det in tama in nimisin o Babilon det in woiwoi lena, ‘Osi na tamon i elar nama wakak na tamon ri?’

Tamtama 18:2

Ma i woiwoi namin labino walngano lena, “A labino tamon Babilon i sa puku! I sa puku! Uniri i sa wanpat a nubual anun a kum laulau na nion ma a nubual na parparau anun a kum laulau na nion ma a nubual na parparau anun a kum piko ra det dur, ma a nubual na parparau anun a kum wewegua ra det dur ma det milmiluon.

Tamtama 18:21

Ma ara dekdek na ensel i los pas a labino wat, i labo elar nama wat na gino wit, ma i woro losop ru i ra i padung sa utasi ra i watungi lena, “Din woro tustusano ru a labino tamon Babilon elar nama wat ri, ma ka din tama meleti mo.

Tamtama 18:24

A gapin a kum poropet ma a kum taro anun o God, ma det rop kai ra di um doko det una rakrakon bual, di tama barato a gapindet tong o Babilon.”