Tamtama 11:2 - Nupela Testamen long tokples Kandas

² Ikut un madek ru a dino nago upiso nisan a rumu na etabor, gong u maki. Uni di sa pitar tari torom a taro ra awu sur a taro anun o God, ra det in pas tataun a tamon anun o God elar nama wat na noino ma aru kalang.

Tamtama 11:2 ပူးပေါင်းရင်းမြစ်များ

Matiu 27:53

Det pirso gusun a kum kulam na minat. Ma numur tan a katkatutur melet anun o Iesu, det wanpat sapat o Jerusalem, a tamon anun o God, ma det tur pat torom a susut na taro.

Matiu 4:5

Numur o Satan i ben pasi usapat o Jerusalem, a tamon anun o God, ra i utur tari sapat netes sakit una rumu na etabor.

Matiu 5:13

“Mot a sol tagun a rakrakon bual. Ikut, ra a makasmanino i sa rop, din umakasman meleti mo pepetlai? Katu utna mo i gas uni. Din woro pirso ru i unago utamon, ma a taro det in papapas mukut netes uni.

Luk 21:24

Lako taro din um doko det nama totok na inaim, ma lako taro din ben pas det sur det in kis na karabus una kum tamon rop. Ma det ra awu sur a taro Juda det in pas tataun o Jerusalem, ma in tuk ut una bung ra o God i kubus tari sur a taro ra awu sur a taro Juda det in mana nama ban laulau a taro Juda.

Ibru 10:29

Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

Tamtama 11:11

Ikut numur tan a tulu bung ma a kukur, o God i wup tar a wuwu na nilaun un der. Ra der laun ma der tur, ma a labino nginara i los det ra det tama der.

Tamtama 11:3

Ma an pitar tar a dekdek tan anung aru tene wasiso puaso un iau. Der in emar namin namalu na tobo, ma der in wasiso na poropet pas ara arip ma aru mar ma wonom na noino bung.”

Tamtama 12:6

Ma a ino i kalabor song usa una nubual kalako taro uni, una nubual ra o God i sa waninar tari, sur din tamtamabati tiro iai elar nam ara arip ma aru mar ma wonom na noino bung.

Tamtama 21:10

A bukus nama Tokodos na Nion, ma a ensel ra, i los tito pas iau usapat una labino tangai ra i tur sakit usapat netes. Ma i ese tar iau un o Jerusalem, a tamon anun o God, i wan pirso tagisapat una langit tan o God.

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.

Tamtama 22:19

Ra taio in rakon ru tu wasiso na poropet tagun a buk ri, o God kai in rakon ru anun a tinibo gusuni tagun in nanai na nilaun, ma tagun a tamon anun o God, ra di sa wasiso talapor taru uni una buk ri.