Tamtama 11:10 - Nupela Testamen long tokples Kandas

¹⁰ Ma a taro tagun a rakrakon bual det in gas kut un asau ra di pami un der, det in ese anundet a gasgas nama etabor etetalai torom det, uni aru poropet ri der ukadik a taro una rakrakon bual.

Tamtama 11:10 ပူးပေါင်းရင်းမြစ်များ

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

A Wakak na Wasiso un o Iesu Karisito o Jon i tumusi 16:20

A inanos mot nama lingmulus, mot in tupunuk ma mot in tangis, ikut a rakrakon bual in gas. Mot in tupunuk, ikut numur anumot a tupunuk in tupukus sur a gasgas,

A Wakak na Wasiso un o Iesu Karisito o Jon i tumusi 7:7

A taro tagun a rakrakon bual ka det in nget mot, ikut det nget iau, uni a inanos det una nundet a kum sakino petutna.

Aposel 5:33

Det longoro a wasiso ri, ra det kankan doko, ma det nem na um doko a kum aposel.

1 Korin 13:6

Ke gas un tu petutna ra ke tokodos, i gas kut una lingmulusino.

Tamtama 12:13

Ra in labino sui i tama i lena di sa woro pirso ru i urin una rakrakon bual, i lu a ino ra i sa usus pas a nat musano.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 16:10

A manlimo na ensel i lingis anun a dis netes una kiskis na king anun a kuabor na wewegua, ra anun a matanitu i dumirum rop. Ma a taro det karot a kum karmendet una labino ngunungut ra,

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.