Tamtama 1:4 - Nupela Testamen long tokples Kandas

⁴ Iau o Jon, a tumtumus torom mot a taro na lotu una wonom mawit na tamon tong una papor Asia. A marmaris ma a malmal torom mot tan o naro ra i laun numugu, i laun uniri ma numur in nanpat, ma tan a wonom mawit na nion kai ra det tur numugu tan anun a kiskis na king,

Tamtama 1:4 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 1:1

Numugu utmakai ra ka di ukisi utmakai a rakrakon bual, a Wasiso i sa kis mugu taru. A Wasiso i kis tomo nam o God, ma a Wasiso i ut o God.

Aposel 19:10

Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

Aposel 2:9

Dat a kum te Patia, a kum te Midia, a kum te Elam, ma dat tagitong una kum papapor Mesopotemia, Judia, Kapadosia, Pontus, Asia,

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

1 Korin 1:3

A marmaris ma a malmal tan o God a Tamandat ma a Labino o Iesu Karisito, in kis tomo nam mot.

2 Korin 1:2

A marmaris ma a malmal tan o God a Tamandat ma a Labino o Iesu Karisito in kis tomo nam mot.

Ibru 13:8

O Iesu Karisito ken senene. Numugu, ma uniri, ma numur ma ken rop, o Iesu Karisito i elar kut.

Jems 1:17

A kum wakak na etabor rop, ra det tokodos sakit, det wan pirso tagisapat una langit. Det wanpat tan o Tita, i ra i ukis in matanas, a kalang ma a kum nangnang. Ikut o Tita ke ser keles, ma ke pukpukus anun a ngasino elar namin matanas, ra in sisio pas una waspi ma una mirum awu.

Tamtama 1:1

A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 1:17

Ra a tama i, a puku pirso taru nisan a aru kikino elar nama minat. Numur i ubek tar a sot na lamano sapat netes un iau, ra i watungi lena, “Gong u ngara, iau a mugano ma a ururopino.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 1:8

A Labino o God i watungi lena, “Iau a Alpa ma a Omega, ra a laun numugu, a laun uniri ma numur an nanpat, ma a dekdek sakit.”

Tamtama 1:9

Iau o Jon, a tisimot ma a pasamot ra dat tur tomo una kum ngunungut, ma una matanitu anun o God ma una tuntunur dekdek ra dat taramo a ngunungut, uni dat anun o Iesu. A kis na karabus una ailan Patmos, uni a warawai nama wasiso anun o God ma nama wasiso talapor anun o Iesu.

Tamtama 16:5

Ma a longoro a ensel ra i tamtamabat a tasi ma a kum danim, i watungi lena, “God, ui u laun numugu ma u laun uniri, a Tasur na Musano ui, ui u tokodos, uni u warkurai lenri.

Tamtama 2:12

“Un tumtumus torom a ensel anun a taro na lotu tong o Pergamum lena: O naro ra anun in totok na inaim aru paporino rop der wangon doko, i watung a wasiso ri:

Tamtama 2:18

“Un tumtumus torom a ensel anun a taro na lotu tong o Taiataira lena: A Nutun o God, ra arin nikiok na matano der elar nama kunabor ina sungun, ma aru kikino der talapor elar nama bras ra di sa tun talapor tari una sungun, i watung a wasiso ri:

Tamtama 2:8

“Un tumtumus torom a ensel anun a taro na lotu tong o Smerna lena: O naro ra a mugano ma a ururopino, i ra i mat pas, ma i sa laun melet, i watung a wasiso ri:

Tamtama 22:16

“Iau o Iesu, a tulu ru anung a ensel sur in pitar a wasiso talapor ri torom mot a taro na lotu una kum tamon. Iau in wakakorin o Dewid ma a tubunu, ma in borodo ra i talapor doko.”

Tamtama 22:8

Iau o Jon, a sa longoro tar a kum utna ri, ma a sa tama tari. Ra a sa longoro tari, ma a sa tama tari, a puku pirso nama urur nisan aru kikin a ensel sur an lotu toromi, a ensel ra i ese tar a kum utna ri tang.

Tamtama 3:1

“Un tumtumus torom a ensel anun a taro na lotu tong o Sardis lenri: O naro ra i bukus nama wonom mawit na Nion o God ma i pam pas a wonom mawit nin nangnang, i watung a wasiso ri: A tasman anumot a kum pinapam. A taro det watungi lena mot laun, ikut mot sa mat.

Tamtama 3:14

“Un tumtumus torom a ensel anun a taro na lotu tong o Laodisia lenri: O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri:

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri:

Tamtama 4:5

Ma in nememe, a pungpugur, ma a rurung, detul wanpat tagun a kiskis na king. Ma sa numugu nisan a kiskis na king, a wonom mawit na lam kura det kunabor. Det ra, a wonom mawit na nion o God.

Tamtama 4:8

A wat na utna ra det laun, arara tagun det a wonom na mebene, ma a kum kiok na matmatan det i bukus una pinpinin det, ma utuntudu ina kum mebendet utkai. Una kum mirum ma a waspi, ka det mana nama watung a wasiso lena, “A Labino o God, o naro ra i dekdek sakit, i tasur, i tasur, i tasur, o naro ra i laun numugu, i laun uniri ma numur in nanpat.”

Tamtama 5:6

Numur a tama a Barman na Sipsip, i tamtama lari ra di sa um doko tari, i tur nisan a kiskis na king, ma a wat na utna ra det laun, ma a kum mugumugu det tur talilis pasi. A Barman na Sipsip ra, a wonom mawit na komino, ma a wonom mawit nin nikiok na matano. Det a wonom mawit na nion o God, ra di tulu ru det una rakrakon bual rop.

Tamtama 8:2

Ra a tama a wonom mawit na ensel ra det ser tur numugu tan o God, ma di pitar tar a wonom mawit nin tuwuru tandet.