Tamtama 1:16 - Nupela Testamen long tokples Kandas

¹⁶ I pam pas a wonom mawit nin nangnang una sot na lamano, ma in totok na inaim ra aru paporino rop der wangon doko, kura uwano i gom pasi. Ma in masarino i pilpil elar namin matanas ra i talapor doko.

Tamtama 1:16 ပူးပေါင်းရင်းမြစ်များ

Matiu 17:2

Tiro iai, detul tama a pinin o Iesu i wanpat senene. In masarino i sisio elar namin matanas, ma anun a kum malu kai i kabang doko elar nama talapor.

Aposel 26:13

King, una labino suan, ra a wan una kisapi, a tama pas a tarai na talapor tagisapat una langit. I sisio doko tan a talapor ina in nusuan, ma i sisio talilis pas iau tomo nam det ra met wan tomo.

Epeses 6:17

Ma mot in nuk pasi ra o God i sa ulaun pas mot, elar nama tene inaim i ubek bat in lorino nama kukup na inaim. Ma mot in los pas in totok na inaim anun a Tokodos na Nion, i a wasiso anun o God.

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.

Tamtama 1:20

Iri a kukurai ina utna na pidik tagun a wonom mawit nin nangnang ra u sa tama tari una sot na lamang, ma a wonom mawit na turtur na lam na gol: A wonom mawit nin nangnang ra, i tur ukinalong a kum ensel anun a taro na lotu una wonom mawit na tamon, ma a wonom mawit na turtur na lam ra, i tur ukinalong a taro na lotu una wonom mawit na tamon.

Tamtama 10:1

Numur a tama ara dekdek na ensel bulung i wan pirso nanan tagisapat una langit. I emar nama bakut, ma in nongogol i kis lao taru netes unin lorino. In masarino i elar namin matanas, ma aru kikino i elar nama sungun ra i kunabor toto elar nama ru pos.

Tamtama 12:1

A labino ukinalong i wanpat sapat una langit. Ara ino i emar pas namin matanas, ma a kalang kura i kis utuntudu ina aru kikino, ma a kukup na king, ra di pami nama noino ma arin nangnang, i kis netes unin lorino.

Tamtama 19:15

Ma in totok na inaim ra i wangon doko, kura uwano i gom pasi, sur in ban laulau a taro tagun a kum gapman rop nami, ma in warkurai dekdek det namin nubuku na aen. I pas ginogino a kum wino wain unin nutung na wat ra i tur ukinalong a karangop ina kankan anun o God, i ra i dekdek sakit.

Tamtama 19:21

Di um doko ru anunder a kunur na taro na inaim namin totok na inaim, ra o naro ra i kas una os i gom pasi. Ma a kum piko rop det wan a komonongin det ma det masur doko nami.

Tamtama 2:1

“Un tumtumus torom a ensel anun a taro na lotu tong o Epeses lena: O naro ra i pam a wonom mawit nin nangnang una sot na lamano, ma i wan epotor una wonom mawit na turtur na lam na gol, i watung a wasiso ri:

Tamtama 2:12

“Un tumtumus torom a ensel anun a taro na lotu tong o Pergamum lena: O naro ra anun in totok na inaim aru paporino rop der wangon doko, i watung a wasiso ri:

Tamtama 2:16

I mo ra mot in nukpukus! Ra awu, an nanpat lakit torom mot, ma an waim nama taro ra det mur a etowo anun o Nikolas, namin totok na inaim ra kuri uwang a gom pasi.

Tamtama 3:1

“Un tumtumus torom a ensel anun a taro na lotu tong o Sardis lenri: O naro ra i bukus nama wonom mawit na Nion o God ma i pam pas a wonom mawit nin nangnang, i watung a wasiso ri: A tasman anumot a kum pinapam. A taro det watungi lena mot laun, ikut mot sa mat.