A Pas anun o Pol torom a taro Rom 9:22 - Nupela Testamen long tokples Kandas

²² Lenutkai ra o God i pami una taro. O God i ling sur in ese anun a kankan ma a dekdekino. Ikut i kis langlang utmakai, ma ke pitar lakit a minabalu torom a taro ra det kis utuntudu ina nun a kankan, det ra det sa waninar sur a iniru.

A Pas anun o Pol torom a taro Rom 9:22 ပူးပေါင်းရင်းမြစ်များ

A Pas anun o Pol torom a taro Rom 1:18

O God i upuaso anun a kankan tagisapat una langit, uni a taro ka det mur a petutna ra i wakak umatano, ma det pam a sakino, ma una nundet a kum sakino petutna, det turbat a lingmulusino.

A Pas anun o Pol torom a taro Rom 9:17

Elar nama wasiso una Buk Tabu, ra o God i watungi torom o Pero tong o Ijip lena, “A ubek tar ui sur un king, sur an ese a dekdeking una sau ra an pami un ui, sur a risang in nan sarara una rakrakon bual rop.” Kis 9:16

A Pas anun o Pol torom a taro Rom 9:20

Osi ui ra u nuki lena un balu a wasiso anun o God? Ui a musano kut ui. Ra taio i pam tu utna, pepetlai, a utna ra i pami, i elar sur in watungi torom o naro ra i pami lenri, “Sur asau ra u pam iau lenri?”

A Pas anun o Pol torom a taro Rom 9:21

Ra a tene pam kuro i nemi sur in pam lako ru kuro gusun ara du piopap kut, i ut i warkurai suri. In pam ara wakak na kuro sur a kum lamlabino balon, ma ara kai sur a kum bung oros kut.

1 Tesalonaika 2:16

uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.

1 Tesalonaika 5:9

Uni o God ke pilok pas dat sur dat in taramo a ngunungut ubalan anun a kankan, awu. I pilok pas dat, sur anundat a Labino o Iesu Karisito in ulaun pas dat.

2 Timoti 2:20

Un ara labino rumu, a kum ngas na dis kura det kis. A ramano di pam det nama silwa ma nama gol, ma a ramano kai di pam det nama duwai ma nama piopap. A ramano kum dis sur a kum lamlabino bung kut ma a ramano kai sur a kum dur na utna kut.

1 Pita 2:8

“A wat ra, a taro det in tutuka uni, ma det in puku.” Ais 8:14 Det tutuka uni, uni det pitarngat una wasiso anun o God. Ra det pami lenra, anun a wasiso ra i watung tari numugu un det, i sot un det.

1 Pita 3:20

A kum nion ra, a nion a taro tagun numugu utmakai una kum kilalo anun o Noa. O God i kiskis langlang pas det sur det in nukpukus, ra o Noa i pam a sip. Ikut det pitarngat. Ra o God i ulaun pasi mukut a tiwal det gusun in nolomom.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.

2 Pita 2:9

Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.

A Pas anun o Jud 1:4

A tumus a utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, “I wakak kut ra dat in pam a kum petutna na pamuk.” Ma det ipul ru i kut anundat a Mugumugu ma anundat a Labino o Iesu Karisito, i ara sot kut.