A Pas anun o Pol torom a taro Rom 9:20 - Nupela Testamen long tokples Kandas

²⁰ Osi ui ra u nuki lena un balu a wasiso anun o God? Ui a musano kut ui. Ra taio i pam tu utna, pepetlai, a utna ra i pami, i elar sur in watungi torom o naro ra i pami lenri, “Sur asau ra u pam iau lenri?”

A Pas anun o Pol torom a taro Rom 9:20 ပူးပေါင်းရင်းမြစ်များ

Matiu 20:15

Pepetlai, ke sot sur an pam asau ra a nemi nam anung a mani? Pepetlai, u nuknuk laulau un iau, uni a maris a taro ri?’

Luk 12:14

Ra o Iesu i balu i lena, “Le, osi ra i ubek tar iau sur an tene warkurai ma sur an isuaro anumur a kum ululeng torom mur?”

A Pas anun o Pol torom a taro Rom 14:4

Osi ui ra un warkurai a tultul anun taio gisen? Anun a Labino ut in tama i, ra in tur dekdek o in puku. Ikut in tur dekdek ut, uni a Labino in pet lar pasi sur in udekdeki.

A Pas anun o Pol torom a taro Rom 2:1

I mo ra, mot ra mot ser takun a taro gisen lena, ka det tokodos, ka mot in ipul lar pas. Anumot a etakun in takun melet mot ut. Uni mot takun a taro gisen, ikut mot kai, mot pami kut a sakino petutna ra.

A Pas anun o Pol torom a taro Rom 2:3

Mot a taro oros kut, ra mot takun det ra det pam a kum sakino petutna, ikut mot kai mot ser pami, mot nuki lena mot in kalabor eno pepetlai? In warkurai mot ut.

A Pas anun o Pol torom a taro Rom 9:21

Ra a tene pam kuro i nemi sur in pam lako ru kuro gusun ara du piopap kut, i ut i warkurai suri. In pam ara wakak na kuro sur a kum lamlabino balon, ma ara kai sur a kum bung oros kut.

A Pas anun o Pol torom a taro Rom 9:22

Lenutkai ra o God i pami una taro. O God i ling sur in ese anun a kankan ma a dekdekino. Ikut i kis langlang utmakai, ma ke pitar lakit a minabalu torom a taro ra det kis utuntudu ina nun a kankan, det ra det sa waninar sur a iniru.

1 Korin 1:20

Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

1 Korin 7:16

Ui a ino, ko tasmani ra un warut anum a musano sur in tene nurnur o awu. Ma ui kai a musano, ko tasmani ra un warut anum a ino sur in tene nurnur o awu.

1 Timoti 6:5

A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.

2 Timoti 2:20

Un ara labino rumu, a kum ngas na dis kura det kis. A ramano di pam det nama silwa ma nama gol, ma a ramano kai di pam det nama duwai ma nama piopap. A ramano kum dis sur a kum lamlabino bung kut ma a ramano kai sur a kum dur na utna kut.

Taitus 2:9

Un inanos a kum tene ititula sur det in taromlu anundet a kum mugumugu una kum utna rop, ma det in ugasgas det nama kum pinapam rop ra det in pami, ma gong det balu wasiso.

Jems 2:20

Ui a longlong ui! A nurnur ra katu wakak na pinapam tomo nami, i utna oros kut. Pepetlai, u nemi sur an upuaso a wasiso ra tam?