A Pas anun o Pol torom a taro Rom 8:39 - Nupela Testamen long tokples Kandas

³⁹ tu ngas na utna tagisapat netes o taginin upiso. Awu! Katu utna mulus una kudulano ukukis in ukis susuaro lar pas dat gusun a marmaris anun o God, ra i pitar tari torom dat un o Karisito Iesu anundat a Labino.

A Pas anun o Pol torom a taro Rom 8:39 ပူးပေါင်းရင်းမြစ်များ

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

A Wakak na Wasiso un o Iesu Karisito o Jon i tumusi 16:27

uni o Tita ut i nem mot. I nem mot uni mot nem iau, ma mot nurnur lena a wan tagisapat tan o God.

A Wakak na Wasiso un o Iesu Karisito o Jon i tumusi 17:26

A sa watung puaso tar ui torom det, ma kan mana nama wasiso talapor un ui torom det, sur det in tasman ui, sur a marmaris ra u nem iau nami, in kis un det ma iau kai an laun un det.”

A Wakak na Wasiso un o Iesu Karisito o Jon i tumusi 3:16

“O God i maris a rakrakon bual, ra i pitar tar o Nutunu ara sot kut, sur osi ra in nurnur uni, in laun tukum ma ken iru.

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 11:33

Nandet! I labo sakit a kum wakak na ululeng anun o God, anun a wakak na nuknuk ma anun a mananos. A warkurai anun o God i labo sakit, kataio in palos lar pasi. Katutaio i tasman anun a kum kisapi.

A Pas anun o Pol torom a taro Rom 5:8

Ikut o God i ese anun a marmaris torom dat una kisapi lenri: Ra dat laun utmakai una sakino petutna, o Karisito i mat sur dat.

A Pas anun o Pol torom a taro Rom 6:23

Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

A Pas anun o Pol torom a taro Rom 8:35

Osi in ukis susuaro dat gusun a marmaris anun o Karisito? Pepetlai, a kum mamaut in ukis susuaro dat? A kum ngunungut? O ra din ukadik dat? O a munurak? O kalako malu indat? O tu utna na iniru? O ra din um doko dat namin totok na inaim?

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

2 Korin 2:11

sur gong o Satan i upuku pas dat, uni dat sa tasman a nuknukino un asau ra i nem na pami.

Epeses 1:4

Numugu utmakai ra o God ke ukisi utmakai a rakrakon bual, i sa pilok tar dat, sur dat anun a taro, ma katu etakun in los dat umatano, uni dat kis un o Karisito.

Pilipai 3:12

Awu sur a nuki lena, a sa utur ukai a kum utna rop ra, ma ka tokodos mulus utmakai. Ikut a dekdek utmakai sur an utur ukai a utna ra o Karisito Iesu i kabo pas iau suri.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Pilipai 3:8

I lingmulus, a kum utna rop ri, det a kum utna oros mukut torom iau. Ara utna kut ra i labo sakit, a tasman o Karisito Iesu anung a Labino. A sa ubek ru a kum utna rop ri, kibino un o Karisito. Det elar mukut nama beren umatang, sur an los pasi mukut o Karisito una nung a nilaun,

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

1 Jon 4:16

I mo ra dat ut, dat tasman a marmaris anun o God torom dat ma dat nurnur uni. O God, i a kimkibin a marmaris. Osi ra i tasman a marmaris, i laun un o God, ma o God i laun uni.

1 Jon 4:19

Dat nem etetalai dat, uni o God ut i nem mugu dat.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 2:24

Ikut ara taro kai tagun mot tiro o Taiataira ka det mur a kum etowo anun o Jesabel, ma ka det mur a kum utna ra ara taro det watungi nama ‘kum utna na pidik anun o Satan ra i madu doko.’ A watungi tamot lena, kan ubek melet tar tu maut netes un det.

Tamtama 20:3

I woro pirso tari unin labino tung ra, i tagar ma i ukai bat tari, sur gong melet mo i toro a taro tagun a kum gapman rop tuk ra ara arip na kilalo ra, in rop. Numur tano din palos ru i sur in langolango pas kut tu du nat na bung.

Tamtama 20:7

Ra ara arip na kilalo ra i sa rop, din palos ru o Satan tagun anun a kinkinis na karabus.