A Pas anun o Pol torom a taro Rom 8:28 - Nupela Testamen long tokples Kandas

²⁸ Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.

A Pas anun o Pol torom a taro Rom 8:28 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 12:30

Mot in nem a Labino anumot a God nama balamot rop, a niomot rop, a nuknuki mot rop, ma a dekdeki mot rop.’ Lo 6:4-5

Aposel 13:48

A taro ra awu sur a taro Juda det longoro a wasiso ri, ra det gas doko, ma det watung ulabo pas a wasiso anun a Labino. Ma det rop ra di sa pilok pas det sur a nilaun tukum, det nurnur.

A Pas anun o Pol torom a taro Rom 11:29

Uni o God ke ser los pukus anun a kum etabor ma ke ser pukus a nuknukino gusun a taro ra i sa kabo pas det. Awu!

A Pas anun o Pol torom a taro Rom 8:30

Ma det ra o God i sa pilok pas det, i kabo pas det kai. Ma det ra i sa kabo pas det, i watung det, det tokodos umatano. Ma det ra i watung det, det tokodos umatano, i pitari kai a minamar torom det.

A Pas anun o Pol torom a taro Rom 9:11

Ra ka di usus der utmakai, o God i watungi torom o Rebeka lena, “A mugano in papam torom a murmur.” Stat 25:23 I watung a wasiso ri, ra aru nat ka der pami utmakai tu wakakino o tu sakino. O God i pami lenra, sur anun a pipilok in elar ut nam anun a nemnem. O God, i ra i ser kabo pas a taro, i pilok pas det ra i nem det, awu sur un tu pinapam ra det sa pam tari.

1 Korin 1:2

torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 1:24

Ikut, o Karisito a dekdekin o God, ma a mananos anun o God, torom a taro ra o God i kabo pas det. A taro ra, tagun a taro Juda ma tagun a taro Grik.

1 Korin 1:9

Ma a utna ri ra o God i watungi in pami ut. Ra i kabo pas mot sur mot in lason tomo nam o Nutunu o Iesu Karisito anundat a Labino.

1 Korin 2:9

Ikut, i elar nama wasiso ra di sa tumus tari una Buk Tabu lenri, “A kum utna ra kataio i tama i, ma kataio i longoro i, ma ke wanpat tagun a nuknukin taio, a kum utna ra, o God i sa waninar tari sur det ra det nem doko i.” Ais 64:4

2 Korin 5:1

A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

Galesia 1:15

Ikut, o God i sa pilok tar iau, ra ka di usus iau utmakai, ma una nun a marmaris, i kabo pas iau. Ma i nemi

Galesia 1:6

A kisin doko lena, ke suano i ra mot sa wan gisen pas gusun o God, i ra i kabo pas mot una marmaris anun o Karisito. Ra uniri, mot sa tupukus sur a se etowo.

Galesia 5:8

A etowo ri, ra i ban lokolokor tar mot, awu sur tagisapat tan o God, o naro ra i kabo pas mot sur anunu.

Epeses 3:11

Tagun narap utmakai o God i tasmani una nuknukino lena in pami lenra. Ra uniri, i sa pam sot pasi un o Karisito Iesu anundat a Labino.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Pilipai 3:14

A kalabor usa numugu sur a ururopino sur an los pas anung a ikul. A ikul, i a kakabo anun o God torom iau sur a nilaun sapat una langit, kibino un o Karisito Iesu.

1 Tesalonaika 5:9

Uni o God ke pilok pas dat sur dat in taramo a ngunungut ubalan anun a kankan, awu. I pilok pas dat, sur anundat a Labino o Iesu Karisito in ulaun pas dat.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

2 Timoti 2:19

Ikut, o God i sa ubek tar a kibin a nurnur ra ken tugunu, ma di sa tumus tar a wasiso uni lena, “A Labino i tasman det ra anunu.” Nam 16:5 Ma di sa tumus tari kai lena, “I ra i watungi lena i anun a Labino, in nan gisen gusun a sakino petutna.”

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

1 Jon 4:10

A marmaris i lenri: O God ut i maris mugu dat. Awu sur dat, dat maris mugu o God, awu. O God i maris dat, ra i pitar ru o Nutunu sur in mat ra in ulangolango pas dat gusun anundat a kum sakino petutna ma in urop ru a kankan anun o God gusun dat.

1 Jon 4:19

Dat nem etetalai dat, uni o God ut i nem mugu dat.

Tamtama 3:19

Det ra a maris det, a ser pitar a dekdek na wasiso torom det, ma a ser ukodos det. I mo ra, mot in tuangun, ma mot in nukpukus.