A Pas anun o Pol torom a taro Rom 8:14 - Nupela Testamen long tokples Kandas

¹⁴ Uni det ra a Nion o God i mugu det, det a kum nutnutun o God.

A Pas anun o Pol torom a taro Rom 8:14 ပူးပေါင်းရင်းမြစ်များ

Matiu 5:9

Det ra det ser umalmal a taro, det dan, uni o God in watung det a kum nutnutunu.

A Wakak na Wasiso un o Iesu Karisito o Jon i tumusi 1:12

Ikut, torom det ra det gas pasi, ma det nurnur una risano, i mulaot pas det sur det a kum nutnutun o God.

A Pas anun o Pol torom a taro Rom 8:19

A kudulano ukukis rop i kis langlang nama labino nemnem sur a bung ra o God in upuaso ru a kum nutnutunu.

A Pas anun o Pol torom a taro Rom 8:5

Det ra det mur a sakino nemnem ina pinindet, a nuknukin det kai i kis kut un asau ra a sakino nemnem ina pinindet i nemi. Ikut, det ra det mur a nemnem anun a Tokodos na Nion, a nuknukin det i kis un asau ra a Nion i nemi.

A Pas anun o Pol torom a taro Rom 8:9

Ikut mot, ka mot kis mo utuntudu ina sakino nemnem ina pinimot. Awu! Mot kis utuntudu ina Tokodos na Nion, uni a Nion o God i laun un mot. Ikut, ra taio, a Nion o Karisito ke laun uni, i awu sur anun o Karisito.

A Pas anun o Pol torom a taro Rom 9:26

Ma o Hosea i watungi kai lena, “Una tamon ra numugu o God i watung tari tandet lena, ‘Mot awu sur anung a taro,’ din watung det ‘a kum nutnutun o God, ra i laun.’” Os 1:10

A Pas anun o Pol torom a taro Rom 9:8

Awu sur det rop ra det wanpat tagun o Abaram, ra din watung det lena a kum nutnutun o God. Awu. Det kut ra di usus det una liliman anun o God, det ra, o God i watung det lena, a kum nutnutun o Abaram mulus.

2 Korin 6:18

A Labino ra i dekdek sakit, i watungi lena, “An nanpat a Tamamot, ma mot a kum nutnutung, a kum musano ma a kum ino.” 2 Sml 7:14

Galesia 3:26

Uniri mot rop a kum nutnutun o God, uni mot nurnur un o Karisito Iesu.

Galesia 4:5

I wanpat sur in kul langolango pas det ra det kis utuntudu ina Warkurai, sur dat in nanpat a kum nutnutun o God.

Galesia 4:6

Mot a kum nutnutun o God ut. I ra a kibino ra i pitar ru a Tokodos na Nion, a Nion o Nutunulik, sur in kis ubalamot, ma i kakabo torom o God lena, “Aba! Tita!”

Galesia 5:16

Ra uniri, an watungi torom mot lena: Ra mot in mur a Tokodos na Nion, ka mot in mur a kum sakino nemnem ina pinimot.

Galesia 5:18

Ikut, ra a Tokodos na Nion i mugu mot, ka mot kis utuntudu ina Warkurai.

Epeses 1:5

Una nun a marmaris, numugu utmakai i sa tasmani lena in ras pas dat sur dat a kum nutnutunu, una pinapam anun o Iesu Karisito ra i ulaun dat. Una nun a nemnem ut ma una nun a gasgas i pami lenri.

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

1 Jon 3:1

Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu.

1 Jon 3:24

Osi ra i mur anun a kum warkurai, i laun un o God, ma o God kai i laun uni. Ma dat tasmani lena o God i laun un dat, uni a Tokodos na Nion ra i tabor dat nami, kuri ut un dat.

Tamtama 21:7

Osi ra i winim pas a inaim, in rakon pas a kum utna rop ri, ma iau an God anunu, ma i o nutunglik.