A Pas anun o Pol torom a taro Rom 6:19 - Nupela Testamen long tokples Kandas

¹⁹ A wasiso nama kum wasiso elelar ri torom mot, uni a nuknuki mot ke talapor wakak una utna ra a wasiso uni. Numugu mot pitar tar a kum du pinimot sur in tene ititula anun a kum dur na petutna, ma anumot a kum sakino i lubung ma i labo. Ikut uniri, mot in pitar tar a kum du pinimot sur in tene ititula anun a tokodos na petutna, sur anumot a nilaun, anun o God.

A Pas anun o Pol torom a taro Rom 6:19 ပူးပေါင်းရင်းမြစ်များ

Matiu 4:23

O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.

A Pas anun o Pol torom a taro Rom 15:1

Dat ra dat tur dekdek, i wakak sur dat in warut det ra ka det tur dekdek una nurnur. Ma gong dat nuk pas dat kut.

A Pas anun o Pol torom a taro Rom 3:5

Ra dat pam a sakino, anundat a sakino i ese mulusi lena, o God i tokodos. Pepetlai, o God i raro sur in warkurai dat uni? Awu ut! A ngas na wasiso ra, i wanpat tan a taro kut. Gunuk ra anun a warkurai ke tokodos, ken warkurai lar pas a taro tagun a rakrakon bual. Ikut i tokodos ut, ra in pet lar pasi sur in warkurai det.

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

A Pas anun o Pol torom a taro Rom 7:23

Ikut, una kum du pining a tama i kai ara se ngas na dekdek, ra ke mur a Warkurai anun o God. I waim tomo nama wakak na warkurai kuri una nuknuking, ma i ker ukai iau sur an kis una karabus anun a sakino petutna, ra i ser papam una kum du pining.

A Pas anun o Pol torom a taro Rom 8:26

Lenkutkai ra, a Tokodos na Nion ut i ser warut dat, uni kalako dekdekin dat. Ka dat tasman asau ra dat in wararing suri, ikut a Tokodos na Nion ut i ser wararing torom o God sur dat. I wararing nama dekdek na tartaramo ra ka din palos lar pasi nama wasiso.

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

1 Korin 9:8

A wasiso ri a watungi, awu sur tagun a nuknukin a taro, awu. A kum Warkurai anun o Moses kai i watungi lenri,

Galesia 3:15

A kum tistising, an watung a wasiso elelar una magirandat torom mot. Ra lako ru musano der liliman taru ma der sa pam tar tu kunubus, katutaio melet mo in pukus lar pasi.

Ibru 12:15

Mot in tumarong, sako taio ken los a marmaris anun o God. Ma mot in tumarong, sako taio in elar namin mapak na wakakor na duwai ra in lubung pat ma in pitar a mamaut torom mot, ma in ban udur pas lako susut.

Ibru 4:15

I tasmani lena katu dekdekin dat sur dat in winim pas a sakino, ma i maris pas dat. Uni di sa lar mugu tari nama wur ngas na ululam rop lenkutkai ra di ser lar dat nami, ikut ke pam tu sakino petutna.