A Pas anun o Pol torom a taro Rom 6:14 - Nupela Testamen long tokples Kandas

¹⁴ Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.

A Pas anun o Pol torom a taro Rom 6:14 ပူးပေါင်းရင်းမြစ်များ

Matiu 1:21

In usus pas a nat na musano, ma un pasor a risano nam o Iesu, uni in ulaun pas anun a taro gusun anundet a kum sakino petutna.”

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Wakak na Wasiso un o Iesu Karisito o Jon i tumusi 8:36

Ra a Nutun o God in ulangolango mot, mot in langolango mulus.

A Pas anun o Pol torom a taro Rom 11:6

O God i sa pilok pas det una nun a marmaris ut, awu sur una kum pinapam ra det pami. Gunuk ra o God in pilok pas det kibino una kum pinapam ra det pami, awu sur a marmaris ra.

A Pas anun o Pol torom a taro Rom 4:16

I mo ra a utna ra o God i uliliman tari, in pitari torom det ra det nurnur. O God i pami lenra, sur in elar nama etabor na marmaris, ma in nan ut torom a kabotaro rop anun o Abaram. Awu sur torom a taro Juda kut ra di pitar tar a kum Warkurai tandet. Awu! Torom det utkai ra det nurnur elar nam o Abaram, i ra a tamandat rop.

A Pas anun o Pol torom a taro Rom 5:17

Ma una petutna na lakai warkurai anun ara musano kut, a taro rop det kis utuntudu ina dekdekin a minat. Ikut, i lingmulus sakit, a taro ra det los pas a marmaris anun o God ra i bukus ma i pulpulas, ma det los pasi kai anun a etabor ra i watung det a kum tene tokodos, det in laun tukum ma det in warkurai elar nama kum king, kibino un ara musano kut, o Iesu Karisito.

A Pas anun o Pol torom a taro Rom 5:18

I mo ra un ara petutna na lakai warkurai kut anun o Adam, a taro rop det kis una warkurai na minabalu anun o God. Lenutkai ra, un ara tokodos na petutna ra o Iesu i pami, o God in watung a taro rop a kum tene tokodos, ma det in laun.

A Pas anun o Pol torom a taro Rom 6:12

I mo ra gong melet mo mot pitar a pinimot, ra i ser mat, sur in kis utuntudu ina dekdekin a sakino petutna, sur mot in mur a kum sakino nemnem ina pinimot.

A Pas anun o Pol torom a taro Rom 6:15

Ka dat kis mo utuntudu ina kum Warkurai, dat kis utuntudu ina marmaris anun o God. Pepetlai, dat in pam melet a sakino petutna? Awu ut!

A Pas anun o Pol torom a taro Rom 8:12

I mo ra a kum tistising, dat a kum tene pinapam. Ikut awu sur dat a kum tene pinapam tagun a sakino nemnem ina pinindat, sur dat in muri, awu.

A Pas anun o Pol torom a taro Rom 8:2

Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.

Galesia 3:23

Ra ka di ese i utmakai a nurnur un o Karisito torom dat, dat elar nama kum karabus una dekdekin a Warkurai. Ka dat langolango tuk o God i upuaso a nurnur un o Karisito torom dat.

Galesia 4:21

Mot ra mot nem na mur a Warkurai, mot in inanos iau: Pepetlai, mot tasmani ut a kukurai ina Warkurai?

Galesia 5:18

Ikut, ra a Tokodos na Nion i mugu mot, ka mot kis utuntudu ina Warkurai.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 8:10

A Labino i watungi lena: Iri a kunubus ra an pami tomo nama taro Israel, una kum bung numur. An ubek tar anung a kum warkurai una nuknukin det, ma an tumus tari unin balandet. Ma iau a God anundet, ma det anung a taro.