A Pas anun o Pol torom a taro Rom 3:20 - Nupela Testamen long tokples Kandas

²⁰ I mo ra, katutaio in tokodos umatan o God, uni i mur a kum Warkurai. A kum Warkurai i ser ese dat kut una nundat a kum sakino petutna.

A Pas anun o Pol torom a taro Rom 3:20 ပူးပေါင်းရင်းမြစ်များ

Aposel 13:39

Ikut, det rop ra det nurnur un o Iesu, din watung det a kum tene tokodos.

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

A Pas anun o Pol torom a taro Rom 3:28

Uni uniri, dat tasmani lena, o God i watung a taro lena, det tokodos umatano uni det nurnur kut un o Iesu, ma awu sur uni ra det mur a kum Warkurai.

A Pas anun o Pol torom a taro Rom 4:13

O God i uliliman tar o Abaram sur in pitar tar a rakrakon bual tano ma torom a kum tumtubunu kai. A liliman ri, o God i pam tari torom o Abaram awu sur i kibino ra i mur a kum Warkurai, awu. I kibino uni i nurnur, ra o God i watungi lena i tokodos umatano.

A Pas anun o Pol torom a taro Rom 4:15

Uni a kankan anun o God i kis un det ra det nem na mur a kum Warkurai, ikut ka det mur sot pasi. Ra kalako kum Warkurai, ka din takun taio lena i lakai warkurai.

A Pas anun o Pol torom a taro Rom 5:13

Uni numugu, ra kabaut o God i pitar a kum Warkurai, a sakino petutna i sa kis una rakrakon bual. Ra kalako Warkurai, o God ken takun taio lena i pam a sakino petutna.

A Pas anun o Pol torom a taro Rom 5:20

Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni.

A Pas anun o Pol torom a taro Rom 7:11

Uni a sakino petutna i sio pas a kisapi tiro korot una Warkurai sur in toro pas iau, ra una dekdekin a Warkurai i um doko iau.

A Pas anun o Pol torom a taro Rom 9:32

Asau a kibino? Uni ka det nurnur, det nuki kut lena det sa tokodos umatan o God, kibino una nundet a kum pinapam. Det tutuka una wat na tutuka, ma det puku.

1 Korin 15:56

A minibirin a minat, a sakino petutna. A sakino petutna i los pas a dekdekino gusun a Warkurai anun o Moses.

Galesia 2:16

Ikut, dat tasmani lena o God ke watung taio a tene tokodos uni i mur a kum Warkurai anun o Moses. Awu! O God in watung taio a tene tokodos uni i nurnur kut un o Iesu Karisito. Lenkutkai ra torom dat, dat nurnur un o Karisito Iesu, sur dat in tokodos umatan o God. Dat tokodos uni dat nurnur un o Karisito, ma awu sur i kibino uni dat mur a kum Warkurai. Uni o God ken watung taio a tene tokodos ra i mur a kum Warkurai.

Galesia 2:19

“Uniri a sa tasmani lena kan tokodos uni a mur a kum Warkurai. A sa mat gusun det. A kum Warkurai ut i ubek tar iau una minat. A mat sur an laun sur o God.

Galesia 5:4

Ra mot nemi sur o God in watung mot a kum tene tokodos uni mot mur a kum Warkurai, mot sa kis susuaro gusun o Karisito. Mot sa wan gisen gusun a marmaris anun o God.

Ibru 7:19

Uni a warkurai ra, ke utokodos pas a taro sur det in nan milau o God, awu. Ikut o God i sa pam tar a kisapi sur dat in nan milau i. A kisapi ra i wakak sakit taun a Warkurai. Ra uniri dat pet lar pasi sur dat in kis langlang nama nurnur suri.