A Pas anun o Pol torom a taro Rom 16:25 - Nupela Testamen long tokples Kandas

²⁵ O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

A Pas anun o Pol torom a taro Rom 16:25 ပူးပေါင်းရင်းမြစ်များ

Matiu 13:17

A inanos mot nama lingmulus, numugu a susut na poropet ma a susut na tene tokodos det kalkal doko sur det in tama a kum utna ri a pami umatamot, ikut ka det tama i. Ma det kalkal doko kai sur det in longoro a kum utna ri mot longoro i, ikut ka det longoro i.

Matiu 13:35

I watungi lenra sur din pam sot pas a wasiso anun a poropet lena, “An wasiso nama kum wasiso elelar, an watung a kum utna ra i kis eno, turpasi numugu utmakai, ra o God i ukis a rakrakon bual.” Sng 78:2

Matiu 20:7

Det balu i lena, ‘Katutaio i ben met sur tu pinapam.’ I watungi tandet lena, ‘Mot kai mot in nan ma mot in papam una nung a kinobot na wain.’

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

A Pas anun o Pol torom a taro Rom 14:4

Osi ui ra un warkurai a tultul anun taio gisen? Anun a Labino ut in tama i, ra in tur dekdek o in puku. Ikut in tur dekdek ut, uni a Labino in pet lar pasi sur in udekdeki.

A Pas anun o Pol torom a taro Rom 2:16

Una bung na warkurai, o God in pitar tar a warkurai torom o Iesu Karisito, sur in warkurai det, una kum utna i kis eno una nuknukin det. Ra a ser warawai nama Wakak na Wasiso, a ser warawai una kum utna ri.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

1 Korin 2:7

A mananos ri met wasiso nami, i a mananos anun o God, a wasiso na pidik, ra numugu i kis eno. Una nun a mananos, i waninar tar a kisapi sur in pitar a minamar torom dat. I sa waninar tari numugu utmakai ra ke ukisi utmakai a rakrakon bual.

1 Korin 4:1

I wakak sur mot in nuknuk un met lar met, a kum tultul anun o Karisito, ra a kum wasiso anun o God ra numugu i kis eno, o God i sa pitar tari torom met sur met in upuaso i torom a taro.

2 Korin 4:3

Ma a Wakak na Wasiso ri, ra met ser wasiso puaso uni, ra in parau, in parau kut torom det ra det wan sur a iniru.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

Galesia 2:2

A wan uni o God ut i inanos iau sur an nan. A etorom det ra di watung det nama kum mugumugu anun a kum tene nurnur. Ra met kut met kis, a inanos det nama Wakak na Wasiso ra a ser warawai nami torom a taro ra awu sur a taro Juda. A nemi sur det in mulaot uni, sur gong i utna oros kut anung a pinapam na warawai tagitiro ut tuk uniri.

Epeses 1:9

O God i ese dat una kum utna ra numugu i kis eno, ma in pami un o Karisito. Una kum utna ra, i muri ut anun a nemnem, ma i gas nami.

Epeses 3:11

Tagun narap utmakai o God i tasmani una nuknukino lena in pami lenra. Ra uniri, i sa pam sot pasi un o Karisito Iesu anundat a Labino.

Epeses 3:9

O God, i ra i ukis a kum utna rop, i pitar tar a pinapam tang, sur an utalapor a taro rop una nuknukino ra numugu i kis eno.

Epeses 6:19

Mot in wararing kai un iau, sur o God in pitar tar a kum wasiso tang sur an watungi, ma gong a ngara ra an upuaso a utna ra numugu i kis eno ma uniri a Wakak na Wasiso i upuaso i.

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

Kolosi 4:3

Mot in wararing kai un met, sur o God in papos saro a kisapi, sur met in upuaso a wasiso un o Karisito, ra numugu i kis eno. A kis una karabus, uni a wasiso nama kum wasiso ri.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

2 Tesalonaika 2:14

Una Wakak na Wasiso ra metul warawai nami, o God i kabo pas mot sur in ulaun mot, sur mot in los a tinibo kai tagun a minamar anun anundat a Labino o Iesu Karisito.

2 Tesalonaika 3:3

Ikut a Labino i lingmulus, ma in udekdek mot ma in tamtamabat mot kai gusun o Satan.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

2 Timoti 2:8

Un nuk pas o Iesu Karisito, i ra tagun a kabotaro anun o Dewid, ra i katutur melet gusun a minat. Iri a Wakak na Wasiso ra a warawai nami.

Taitus 1:2

A nurnur ra, ma a tastasman ra, i wanpat tagun a kinkinis langlang nama nurnur sur a nilaun tukum. A nilaun tukum ra o God i uliliman taru nami, ra ke ukisi utmakai a rakrakon bual. Ma o God ke ser toro.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

1 Pita 1:20

O God i sa pilok pasi numugu utmakai ra ke ukisi utmakai a rakrakon bual, ma uniri, una kum ururop na bung, i sa wanpat sur in warut mot.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

Tamtama 10:7

Una bung ra a ururop na ensel tagun a wonom mawit in ling sur in wup anun in tuwuru, din pam sot pas a utna na pidik anun o God, elar nami ra i sa watung tari tan anun a kum tultul, a kum poropet.”