A Pas anun o Pol torom a taro Rom 16:18 - Nupela Testamen long tokples Kandas

¹⁸ A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

A Pas anun o Pol torom a taro Rom 16:18 ပူးပေါင်းရင်းမြစ်များ

Matiu 24:11

A susut na torotoro na poropet kai det in nanpat, ma det in toro pas a susut na taro.

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Matiu 6:24

“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.

Matiu 7:15

“Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap.

A Wakak na Wasiso un o Iesu Karisito o Jon i tumusi 12:26

Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.

A Pas anun o Pol torom a taro Rom 14:18

Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.

A Pas anun o Pol torom a taro Rom 16:19

A taro rop det sa talapor lena mot sa mur a wasiso anun a Labino, ra a gas doko nam mot. Ikut, a nemi sur mot in mananos wakak un asau ra i wakak, ma gong mot lason un asau ra i laulau.

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

Pilipai 2:21

Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam.

Pilipai 3:19

Det wan mukut sur a iniru, a nemnem na pinindet i anundet a god. Det uman nama kum petutna ra din maimai nami. A nuknukin det i kis kut una kum utna taginin upiso.

Kolosi 2:4

A watungi lenri torom mot, sur gong taio i toro pas mot nam tu namnamin na wasiso.

Kolosi 3:24

Uni mot tasmani lena, numur a Labino in pitar a ikul torom mot, i a wakak na kinkinis ra numur mot in rakoni. Mot a kum tene ititula anun a Labino o Karisito, ma i ut anumot a mugumugu mulus.

2 Tesalonaika 2:10

Una kum ngas na sakino rop ra in pami, in toro a taro ra det wanan sur a iniru. Det in iru, uni ka det mulaot sur det in nem a lingmulusino, sur o God in ulaun det.

1 Timoti 6:5

A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.

Jems 1:1

Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

A Pas anun o Jud 1:12

Ra a taro ri det wangon tomo nam mot una anumot a kum inangon na marmaris, det elar kut nama dur na utna. Det tabor masmasur pas det ut, ma ka det urur sur a taro gisen. Det elar nama bakut ra a wuwu i wup tuptupukusi, ra katu utna i ubatbati. Det elar kai nama kum duwai ra ka det wu una kalang ra det ser wu uni, det sa mat. Ra di sa gat ru det, anundet a manru na minat mo ra.

A Pas anun o Jud 1:16

A taro ri, det a kum tene ururai ma a kum tene pukpukus. Det mur a kum laulau na nemnem anundet, ra det ulabo pas det ut. Det ugasgas pasi kut a taro nama nundet a kum namnamin na wasiso, sur det in los tu utna gusun det.

Tamtama 1:1

A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.