A Pas anun o Pol torom a taro Rom 16:17 - Nupela Testamen long tokples Kandas

¹⁷ A kum tistising, a saring mot sur mot in tumarong mot gusun a taro ra det ser pagol susuaro a taro na lotu, ma det watung a kum wasiso ra i turbat a kum etowo ra mot sa rakon pasi. Mot in nan gisen gusun det.

A Pas anun o Pol torom a taro Rom 16:17 ပူးပေါင်းရင်းမြစ်များ

Matiu 18:17

Ra ken longoro der, un upuaso i torom a taro na lotu. Ra ken longoro i bulung a taro na lotu, i wakak sur un tama i elar nam o naro ra awu sur a tene nurnur, o elar nam o naro ra a tene los takis.

Matiu 18:7

“In laulau torom a taro tagun a rakrakon bual, kibino una kum utna ra i dat a taro sur det in puku una sakino. A kum utna ra in nanpat ut, ikut in laulau doko torom o naro ra i pam pat pasi.

Matiu 7:15

“Mot in tumarong mot gusun a kum torotoro na poropet. Det ser wan torom mot nama wakak na magirandet elar nama kum sipsip, ikut tiro ubalandet, det nem na ban laulau mot elar nama kum ngalngalia na pap.

Luk 17:1

O Iesu i watungi tan anun a taro na ususer lena, “A kum utna in nanpat ut, ra in upuku a taro una sakino, ikut in laulau doko torom o naro ra i pam pat pasi.

Aposel 15:24

Met sa longoro tari lena ara taro tagun met, det ulokolokor mot ra det watungi lena mot in mur a kum Warkurai rop anun o Moses, ma det utalara a nuknuki mot nami. Awu sur met ra met tulu det.

1 Korin 11:18

A mugano utna: A sa longoro tari lena, ra mot ser wan tomo sur a lotu, mot ser tapagol sarara kut, ma a nuki lena a ramano kum wasiso tagun a wasiso ra, i lingmulus.

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Pilipai 3:17

A kum tistising, mot in mur anung a kum ngas na petutna, ra a sa pam ususer tar mot nami, ra i wakak sur mot in tamtama murmur det ra det muri.

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

2 Tesalonaika 3:6

A kum tistisi metul, metul saring dekdek mot nama risan a Labino o Iesu Karisito lena, mot in nan gisen gusun a kum tubunu wok na tistisin dat ra ka det ser mur a kum etowo ra metul inanos tar mot nami.

1 Timoti 1:3

Uniri a udekdek melet ui sur un kis ut tiro o Epeses, elar nami ra a sa watung tari tam, ra a wan utong o Masedonia. Un kis sur un turbat det ra det ususer a taro nam lako kum torotoro na etowo.

2 Timoti 3:5

Det in mur a petutna ra i wakak umatan o God una pinindet kut, ikut ka det in nem a dekdekino. Un nan gisen gusun a ngas na taro ra.

Taitus 3:10

Ra taio in ser pagol a taro na nurnur, un wasiso na utumarong toromi sur in mana. Ra ken longoro ui, un wasiso na utumarong melet toromi. Ra ken longoro mo, un nan gisen gusuni.

1 Jon 2:19

A kum ebar anun o Karisito, numugu det kis tomo nam dat, ikut det sa pirso pas gusun dat, uni awu sur det mulus tagun dat. Ra gunuk det mulus ut tagun dat, det in kis tukum nisan dat. Ikut, ra det sa wan gusun dat, i ese i lena, awu sur det tagun dat.

A Pas anun o Jud 1:19

Mot a kum tene nurnur mot tapagol, kibino una taro ri. Det mur a nemnem kut anun a rakrakon bual, ma a Tokodos na Nion ke kis un det.