A Pas anun o Pol torom a taro Rom 15:26 - Nupela Testamen long tokples Kandas

²⁶ Uni a kum tene nurnur tong una aru papor Masedonia ma o Akaia det gas sur det in woro tomo a mani, sur det in warut a kum tene nurnur ra det sibo sapat o Jerusalem.

A Pas anun o Pol torom a taro Rom 15:26 ပူးပေါင်းရင်းမြစ်များ

Matiu 25:40

“A king in balu det lena, ‘A inanos mot nama lingmulus, asau ra mot sa pam tari torom tu musano oros kut tagun a kum tistising ri, mot sa pam tari ut un iau.’

Matiu 26:11

A kum sibo na taro det in laun bolbolos tomo ut nam mot. Ikut iau, kan kis tukum nisamot.

Luk 14:13

Ra u waninar pas a inangon, un ben pasi kut a kum sibo na taro, det ra a pinindet i mat, det ra det kaukawar kut, ma a kum pulu.

Luk 6:20

O Iesu i tama anun a taro na ususer ra i watungi lena, “Mot ra mot sibo, mot dan, uni a matanitu anun o God, anumot!

Aposel 16:12

Ra met wan tagitiro o Neapolis utong o Pilipai. A tamon ra, i labo sakit taun a kum tamon rop tong una papor Masedonia, ra a taro Rom det kis iai. Ra met kis pas a kabano bung tiro una tamon ra.

Aposel 16:9

Una mirum, o Pol i tama ara tamtama. I tama ara musano, a te Masedonia i tur taru ma i saringi lena, “Un nan urin o Masedonia, ma un warut met.”

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 9:13

Ra o Ananias i balu i lena, “Labino, a sa longoro a susut na wasiso una musano ra, ma una kum laulau na utna ra i ser pami una num a taro sapat o Jerusalem.

1 Korin 16:15

Mot sa tasmani lena a taro ra det kis una rumu anun o Stepanas, det a mugano taro ra det nukpukus tiro una papor Akaia, ma det sa pitar tar det sur det in warut a taro anun o God. A saring mot, a kum tistising,

1 Korin 16:5

An nan utong una kum tamon una papor Masedonia. Ma numur an nan kai utiro torom mot, uni an nan ut utong o Masedonia.

2 Korin 1:16

Ra an nan sur utong una papor Masedonia, a nuki lena an lumu tar mot. Numur, ra an milet melet tagitong, an kis melet pas nisamot, sur mot in warut iau una nung a inawan utong una papor Judia.

2 Korin 11:9

A susut na dino a sibo ra a kis tomo nam mot, ikut ka pitar tu maut torom mot. Uni a kum tistising una nurnur tagisa o Masedonia det wanpat, ra det tabor iau nama utna ra a sibo suri. Ka saring tar mot, ma kan saring tar mot kai sur tu utna.

2 Korin 2:13

Ikut in balang ke molmol, uni ka sio pas o Taitus, a tisinglik una nurnur. I mo ra a wasiso na itula taru torom det tagitiro iai, ra a wan pas utong o Masedonia.

2 Korin 7:5

Ra met wanpat tong una papor Masedonia, ka met mana lar pas. Met barato a susut na mamaut sakit una kum papori met. Met barato a wasiso na kankan anun a taro torom met, ma nin ubalamet met taramo a nginara.

2 Korin 9:12

A pinapam na warut ri mot pami, ke waruti kut a taro anun o God nama utna ra det sibo suri, i pam pati utkai a watung wakak torom o God tan a susut na taro.

2 Korin 9:2

Uni a sa tasmani lena, mot gas sur mot in pam a pinapam ri. A warango mot, ra mot kis tiro una papor Akaia, torom a taro tong una papor Masedonia. Ra a inanos det lena, una kilalo ra i rop, mot sa waninar sur mot in pitar ru anumot a mani. Ma anumot a gasgas sur a etabor, i ukatutur a nuknukin a susut na taro Masedonia sur det kai, det in etabor.

2 Korin 9:4

Ra an nanpat torom mot tomo nam lako taro tagitiro o Masedonia, ra det in tama i lena, ka mot waninar, met in maimai una nung a kum wasiso, ra a sa watung tari, ma mot kai mot in maimai doko.

Pilipai 4:15

Mot a taro Pilipai, mot tasmani lena, ra a turpas a warawai nama Wakak na Wasiso tiro una papor Masedonia, ra numur a wan tagitiro o Masedonia, kalako taro na lotu det tur tomo nam iau sur det in warut iau nam tu etabor, awu, mot sot kut.

1 Tesalonaika 1:7

Mot ese a ngasino ra i wakak sur a taro na nurnur rop tiro una aru papor, o Masedonia ma o Akaia, det in muri.

1 Tesalonaika 1:8

A wasiso anun a Labino ra mot upuaso i, i sa wan sarara, elar nama tinangis ina garamut, ra i wan bakbak. Awu sur tiro kut o Masedonia ma o Akaia, awu. A kum tamon rop det sa tasman anumot a nurnur un o God. Asau melet mo ra metul in watungi?

1 Tesalonaika 4:10

A lingmulus ut, mot nem a kum tistisi mot rop tiro una papor Masedonia rop. Ikut, metul saring mot sur anumot a marmaris in lubung dekdek ut.

1 Timoti 1:3

Uniri a udekdek melet ui sur un kis ut tiro o Epeses, elar nami ra a sa watung tari tam, ra a wan utong o Masedonia. Un kis sur un turbat det ra det ususer a taro nam lako kum torotoro na etowo.

Pilimon 1:5

Uni a longoro i lena, u nem a taro rop anun o God, ma u nurnur una Labino o Iesu.