A Pas anun o Pol torom a taro Rom 15:19 - Nupela Testamen long tokples Kandas

¹⁹ Det tama a dekdekin a kum ukinalong ma a kum utna na ukisin ra a pami nama dekdekin a Tokodos na Nion. Tagisapat o Jerusalem tuk tong o Ilirikum, a sa warawai rop pas iai nama Wakak na Wasiso anun o Karisito.

A Pas anun o Pol torom a taro Rom 15:19 ပူးပေါင်းရင်းမြစ်များ

Matiu 12:28

Ikut, ra an lakro ru a kum laulau na nion nama dekdekin a Nion o God, in ese i lena a matanitu anun o God i sa wanpat torom mot.

A Wakak na Wasiso un o Iesu Karisito o Jon i tumusi 4:48

O Iesu i watungi tano lena, “Ra ka mot tama a kum utna na ukisin ma lako kum ukinalong, ka mot in nurnur ut.”

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Aposel 13:14

O Pol ma o Banabas der katutur melet pas tagitong o Perga ra der wan utong o Antiok una papor Pisidia. Ma una Bung na Sabat der ruk una rumu na lotu anun a taro Juda, ra der kis tiro iai.

Aposel 13:51

Ra der tang ru a kubus gusun a kum kikinder sur a ukinalong lena o God i sa rosumur gusun det. Numur der wan utong o Aikoniam.

Aposel 14:10

Ra o Pol i wasiso toromi namin labino walngano lena, “Un katutur.” Ra a musano ra, i katutur lakit mut, ra i wan.

Aposel 14:20

Ikut, ra a taro na ususer det tur talilis pasi, i katutur, ra i ruk melet una tamon. Una bung numur, der wan tomo nam o Banabas utong o Derbe.

Aposel 14:25

Ra der sa warawai pas tong o Perga, der wan utong o Atalia.

Aposel 14:6

Ikut ra der longoro i, der wan gisen utong una papor Likonia, sur aru tamon o Listra ma o Derbe, ma a ramano kum tamon kai ra det kis milau.

Aposel 15:12

A taro na kiwung rop det kis wowowon taru kut. Det longoro o Pol ma o Banabas, ra der wasiso una kum ukinalong ma a kum utna na ukisin der pami nama dekdekin o God epotor tan a taro ra awu sur a taro Juda.

Aposel 16:18

A susut na bung i pami lenra. Ra a pinin o Pol i sa ngoro nami, i tupukus, ra i watungi tan a laulau na nion lena, “Una risan o Iesu Karisito, a watungi tam, un pirso gusun a ino ri.” Uniutra a laulau na nion i pirso gusuni.

Aposel 17:10

Una bung na mirum ut ra, det ra det tar tistisino una nurnur det tulu lakit ru o Pol ma o Sailas utong o Beria. Numur ra der wanpat tiro iai, der ruk una rumu na lotu anun a taro Juda.

Aposel 17:15

A taro ra det ben pas o Pol, det wan tomo nami utong o Atens. Numur i tulu melet det nama wasiso torom o Sailas ma o Timoti sur der in nan lakit toromi.

Aposel 18:1

Ra i sa rop a kum utna ri, o Pol i wan tagitong o Atens utong o Korin.

Aposel 18:19

Ra detul sot tong o Epeses, o Pol i wan pas gusun der tiro iai, ra i ruk una rumu na lotu, ma det wasiso tomo nama taro Juda.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

Aposel 20:20

Ra a ser warawai ma a ususer mot, umatan a taro ma una numot a kum rumu utkai, ka ngara ma ka munu tu utna ra in warut mot.

Aposel 20:6

Ra i sa rop a labino bung na lotu na beret ra kalako is uni, met kas una sip tagitong o Pilipai. A limo na bung bat tari, met sot tong o Troas torom det ra det mugu gusun met, ma met kis pas a wonom mawit na bung tiro iai.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

A Pas anun o Pol torom a taro Rom 15:24

Ra an nan utong o Spein, a nuki lena an kis lilik pas nisamot ma dat in gas tomo pas. Numur an katutur melet sur an nan utong o Spein. Ma a nemi sur mot in warut iau una nung a inawan utong.

1 Korin 2:4

Ra a wasiso ma a warawai, ka wasiso nama wasiso na mananos anun a taro, ma ka wasiso nama ngas na wasiso ra in dat a nuknukin a taro, awu. A dekdekin a Tokodos na Nion i ulingmulus anung a wasiso,

2 Korin 12:12

Ra a kis nisamot, a ulingmulus pas iau umatamot lena, iau a aposel mulus. A pam a kum utna na ukisin, a kum dekdek na pinapam, ma a kum ukinalong, ma pining ke ngoro sur an pam a kum utna ri, ra a taramo a kum maut.

Galesia 3:5

Pepetlai, o God i tabor mot nama Tokodos na Nion ma i pam a kum utna na ukisin epotor tamot, uni mot mur a kum Warkurai anun a taro Juda, o uni mot nurnur una Wakak na Wasiso ra mot sa longoro i?

Kolosi 1:25

O God i ubek tar iau, sur iau a tultul anun a taro na lotu. I pitar tar a pinapam ri tang, sur an warawai nam anun a kum wasiso rop torom mot.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

2 Timoti 4:17

Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.

Ibru 2:4

O God i pam a kum ukinalong ma a kum utna na ukisin, ma a kum dekdek na pinapam, ma i tibo susuaro a kum etabor anun a Tokodos na Nion elar ut nam anun a nemnem. Una nun a kum pinapam ra, i ese i lena anun a pinapam na ulaun a taro i lingmulus.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.