A Pas anun o Pol torom a taro Rom 15:17 - Nupela Testamen long tokples Kandas

¹⁷ Un o Karisito Iesu, a gas doko una nung a pinapam ra a pami torom o God.

A Pas anun o Pol torom a taro Rom 15:17 ပူးပေါင်းရင်းမြစ်များ

A Pas anun o Pol torom a taro Rom 4:2

Gunuk ra o God i watung o Abaram lena i tokodos, kibino una kum wakak na pinapam ra i pami, i topasi ra o Abaram in ulabo pasi ut uni. Ikut awu, ken ulabo lar pasi umatan o God.

2 Korin 12:1

Ra an warango pas iau ut, anung a wasiso ke gas un tu utna, ikut an warango pas iau ut una ramano kum tamtama ma a kum ririon ra a Labino ut i sa utamtama tar iau uni.

2 Korin 7:4

A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Ibru 2:17

Iri a kibino ra o Iesu i wanpat elar ut nama kum tistisino una kum utna rop, sur in mugumugu na tene etabor torom o God ma una nun a pinapam ra torom o God, in ese a marmaris torom a taro, ma a lingmulus na petutna. In pitar anun a nilaun sur in mat, ma o God in unus ru a kum sakino petutna anun a taro, ma in urop ru anun a kankan ma ken kankan melet mo torom det.

Ibru 5:1

A kum mugumugu na tene etabor rop torom o God, o God i pilok pas det tagun a taro, ma i ubek tar det sur det in tur ukinalong a taro umatano. Det in pitar a kum etabor ma det in tun a kum wewegua sur o God in unus ru a kum sakino petutna anun a taro.