A Pas anun o Pol torom a taro Rom 15:14 - Nupela Testamen long tokples Kandas

¹⁴ A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

A Pas anun o Pol torom a taro Rom 15:14 ပူးပေါင်းရင်းမြစ်များ

1 Korin 1:5

Uni una numot a kinkinis tomo nam o Karisito, o God i udan mot nama kum utna rop. I udan mot una numot a wasiso rop ma numot a mananos rop.

1 Korin 12:8

A Tokodos na Nion i tabor ara nama mananos sur in wasiso nami, ma a Nion ut ra, i tabor ara kai nama wakak na nuknuk sur in wasiso nami.

1 Korin 13:2

Ra an utur ukai a etabor sur an wasiso na poropet, ma ra an tasman a kum utna na pidik rop ma a kum mananos rop, ma ra an utur ukai a nurnur sur an ukarai a kum tangai nami, ikut ra ka lason una marmaris, iau a utna oros kut.

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

1 Korin 8:10

Ui, u sa mananos sur un nangon una rumu na etabor anun a torotoro na god, ma a nuknukim awu sur in takun ui uni. Ikut ra un nangon tiro iai, ma o naro ra anun a nurnur ke dekdek in tama ui, un ben tari, sur i kai, in nan a utna ra di sa etabor taru nami torom a kum torotoro na god, ra in taramo i lena, a nuknukino i takuni lena, i pam a sakino.

1 Korin 8:7

Ikut, awu sur a taro rop det tasman a utna ri. A ramano kum tene nurnur, numugu ra ka det nurnur utmakai, det ser mur a petutna ra det etabor torom a kum torotoro na god. Ma tuk uniri, ra det wan a utna ra taio i sa etabor taru nami torom a kum torotoro na god, det nuki lena, det ut det lotu torom a kum torotoro na god. Det taramo i lena a nuknukin det i takun det lena det pam a sakino.

2 Korin 8:7

Una kum utna rop, mot ser pam soti taun a taro rop: Anumot a nurnur, ma anumot a warawai, anumot a mananos, anumot a dekdek, ma anumot a labino marmaris torom met. Ra i wakak sur mot in pam sot pasi kai a pinapam na etabor ri.

Epeses 5:9

Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

1 Tesalonaika 5:11

I mo ra mot in uragot etetalai mot, ma mot in udekdek mot, lenutra mot ser pami.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

2 Tesalonaika 1:11

I mo ra metul ser wararing sur mot torom anundat a God, sur in watung mot lena mot tokodos sur a ngas na nilaun ra i kabo pas mot suri. Ma una dekdekino in warut mot, sur mot in pam sot pas a kum wakak na pinapam ra mot nem na pami, ma a kum petutna rop ra anumot a nurnur i pam pati.

2 Timoti 1:5

A nuk pas anum a lingmulus na nurnur, ra i elar nama nurnur anun aru ino ri, o tubum o Lois ma o nam o Unis. A tasmani lena a ngas na nurnur ra, kura kai un ui.

Pilimon 1:21

Ra a tumus a pas ri, a tasman mulusi lena, un muri ut anung a sasaring torom ui, ma a tasmani kai lena un pam a utna in labo taun asau ra a saring ui suri.

Ibru 5:12

Mot sa nurnur suano mot, ra uniri i sot mo sur mot a kum tene ususer. Ikut, mot sibo utmakai sur taio in ususer mot melet una kum mugano ususer una wasiso anun o God. Ka mot nan lar pas a dekdek na utna, mot sus kut.

Ibru 6:9

A kum wakak na paspasa met, met sa watung tar a kum dekdek na wasiso ri torom mot. Ikut met nurnur lena, mot mur a wakak na petutna ra i sot una taro ra o God i sa ulaun pas det.

2 Pita 1:12

Mot sa tasman a kum utna ri, ma mot sa tur dekdek una lingmulus na etowo ra mot sa los pasi, ikut i wakak ra an unuk tar mot melet nami.

1 Jon 2:21

Awu sur a tumtumus torom mot uni ka mot tasman a lingmulusino, awu. A tumtumus torom mot uni mot sa tasman a lingmulusino, ma katu torotoro i ser wanpat taguni.