A Pas anun o Pol torom a taro Rom 14:22 - Nupela Testamen long tokples Kandas

²² A kum utna rop ra u nuki lena i wakak torom ui, anumur ut nam o God. Osi ra i pam tu utna ma a nuknukino ken takuni uni, i dan.

A Pas anun o Pol torom a taro Rom 14:22 ပူးပေါင်းရင်းမြစ်များ

Aposel 24:16

Lenkutkai ra, a dekdek doko sur anung a nilaun in tokodos umatan o God, ma umatan a taro kai.

A Pas anun o Pol torom a taro Rom 14:14

Uni iau tagun a Labino o Iesu, a tasman mulusi lena, katu utna na inangon in ban ling tar dat sur dat in laulau umatan o God. Ikut, ra taio i nuki lena in laulau umatan o God ra in nan tu ngas na utna, i ut i tasmani lena ke tokodos toromi sur in nani.

A Pas anun o Pol torom a taro Rom 14:2

Ara taro det nurnur lena, i wakak kut ra det in nan a kum utna rop. Ma ara taro ra ke dekdek anundet a nurnur, ka det wan a komonong ina kum wewegua. Det wani kut a utna ra di maruti.

A Pas anun o Pol torom a taro Rom 14:23

Ikut osi ra i wangon, ma i wur nuknuk una utna ra i wani, din warkurai i ut uni, uni awu sur i mur anun a nurnur. Ma a kum utna rop ra taio i pami ma anun a nurnur ke mulaot uni, i ra a sakino petutna.

A Pas anun o Pol torom a taro Rom 14:5

Lenkutkai ra, ara taro det nuki lena, ara bung kut i labo taun a kum bung. Ma ara taro kai det nuki lena, a kum bung rop det elar rop kut. I wakak sur dat rop arara taktakai dat in tasman wakak asau ra i tokodos, elar nama nuknukin dat.

A Pas anun o Pol torom a taro Rom 2:1

I mo ra, mot ra mot ser takun a taro gisen lena, ka det tokodos, ka mot in ipul lar pas. Anumot a etakun in takun melet mot ut. Uni mot takun a taro gisen, ikut mot kai, mot pami kut a sakino petutna ra.

A Pas anun o Pol torom a taro Rom 7:15

Ka talapor un asau ra a ser pami. Uni asau ra a nemi sur an pami, ka pami, ikut asau ra a ngeti, a ser pami.

A Pas anun o Pol torom a taro Rom 7:24

Iau a pot na marmaris na musano iau! Osi in ulangolango iau gusun a pining ri, ra i wan sur a minat?

1 Korin 8:7

Ikut, awu sur a taro rop det tasman a utna ri. A ramano kum tene nurnur, numugu ra ka det nurnur utmakai, det ser mur a petutna ra det etabor torom a kum torotoro na god. Ma tuk uniri, ra det wan a utna ra taio i sa etabor taru nami torom a kum torotoro na god, det nuki lena, det ut det lotu torom a kum torotoro na god. Det taramo i lena a nuknukin det i takun det lena det pam a sakino.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

Jems 3:13

Osi na pasamot i mananos, ma i tastasman? I wakak ra in upuaso i una nun a wakak na nilaun, una nun a kum wakak na pinapam, tomo nama ngasino ra i unatino pasi ut. A ngasino ra i unatino pasi ut, i wanpat tagun a mananos mulus.

1 Jon 3:21

A kum wakak na paspasang, ra a nuknukin dat ke takun dat, dat in balano molmol umatan o God.