A Pas anun o Pol torom a taro Rom 14:19 - Nupela Testamen long tokples Kandas

¹⁹ I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 14:19 ပူးပေါင်းရင်းမြစ်များ

Matiu 5:9

Det ra det ser umalmal a taro, det dan, uni o God in watung det a kum nutnutunu.

A Wakak na Wasiso un o Iesu Karisito o Mak i tumusi 9:50

A sol i wakak, ikut ra a makasmanino i sa rop, mot in umakasman meleti mo pepetlai? Ken elar! I wakak ra a sol in kis un mot, ma mot in kis na emarom tomo.”

A Pas anun o Pol torom a taro Rom 12:18

Ra i topas mot, mot in dekdek sur mot in kis na malmal nama taro rop.

A Pas anun o Pol torom a taro Rom 15:2

Dat rop taktakai dat in nuk pasi kai a pasandat, ma dat in pam a kum utna ra in waruti, ra in udekdek anun a nurnur.

1 Korin 10:23

Sako taio in watungi lena, “A kum utna rop i wakak kut sur dat in pami,” ikut, awu sur a kum utna rop in warut dat. “A kum utna rop i wakak kut sur dat in pami,” ikut, awu sur a kum utna rop in udekdek dat.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 14:26

A kum tistising, asau an watungi? Ra mot kis tomo una lotu, ara taro det in kelekele, ara taro det in ususer a taro, ara taro det in wasiso puaso un tu utna ra o God i sa ese tari tandet, ara taro det in wasiso nama wur ngas na wasiso, ma ara taro kai det in palos a kukuraino. A kum utna rop ri din pami sur in udekdek a taro na lotu.

1 Korin 14:3

Ikut, taio ra i wasiso na poropet, i wasiso torom a taro sur in udekdek det, in uragot det ma in umarom det.

1 Korin 14:4

Taio ra i wasiso nama wur ngas na wasiso i udekdek pasi ut. Ikut, taio ra i wasiso na poropet i udekdek a taro na lotu rop.

1 Korin 14:5

A nemi sur mot rop mot in wasiso nama wur ngas na wasiso, ikut a nem doko i sur mot in wasiso na poropet. O naro ra i wasiso na poropet i wakak doko taun o naro ra i wasiso nama wur ngas na wasiso. Ikut ra taio in palos a kukurai ina wur ngas na wasiso sur in udekdek a taro na lotu, in wakak ut.

1 Korin 7:15

Ikut, ra aru suano ra tu pasander ra ke nurnur i nem na wan gusun ara pasander, madek ru i in nan. Ra in nan, anun a musano o anun a ino, ra i tene nurnur, in langolango gusun anunder a kinkinis na nolin. Uni o God i sa kabo pas dat sur dat in kis na malmal.

1 Korin 8:1

An inanos mot una kum utna na inangon ra di sa etabor taru nami torom a kum torotoro na god. Dat tasmani lena, dat rop dat sa mananos. A mananos i ser pam pat a petutna sur taio in dat walos in lorino, ikut a marmaris i ser pam pat a petutna sur taio in udekdek a taro.

2 Korin 12:19

Pepetlai, mot nuki lena met wasiso bat met kut gusun mot? Awu. Met wasiso nama lingmulus umatan o God elar nama kum tultul anun o Karisito. A kum wakak na paspasa met, a kum utna rop ra met pami, met pami sur in warut mot.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

Epeses 4:12

sur det in waninar a taro anun o God, sur det ra, det in papam toromi, sur dat a pinin o Karisito dat in lubung.

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

1 Timoti 1:4

Ma gong det balon una kum etowo ororos kut, ma a kum utatos, ra katu ururopino. I ulabo i kut a wasiso na engaras, ma ke warut a pinapam anun o God. A pinapam anun o God i lubung kut una nurnur.

2 Timoti 2:22

Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det.

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

1 Pita 3:11

In tupukus gusun a sakino ma in pam a wakak na petutna. In sisio sur a kisapi na malmal ma in dekdek pasi sur in muri.