A Pas anun o Pol torom a taro Rom 14:13 - Nupela Testamen long tokples Kandas

¹³ I mo ra gong mo dat takun etalai dat. Mot in nuknuk wakak sur gong mo mot pam tar tu petutna ra tu tisimot in puku uni.

A Pas anun o Pol torom a taro Rom 14:13 ပူးပေါင်းရင်းမြစ်များ

Matiu 16:23

O Iesu i tupukus torom o Pita ra i watungi tano lena, “Satan, un nan unago numur tang! U ubatbat iau, uni, u muri kut a nuknukin a taro, ma ko mur a nuknukin o God.”

Matiu 18:7

“In laulau torom a taro tagun a rakrakon bual, kibino una kum utna ra i dat a taro sur det in puku una sakino. A kum utna ra in nanpat ut, ikut in laulau doko torom o naro ra i pam pat pasi.

Matiu 7:1

“Gong mot takun tar taio, sako o God in takun mot.

Luk 12:57

“Ilai ra mot ut ka mot tamtama wakak sur asau ra i tokodos?

Luk 17:2

Gunuk ra di sa kubus tar tu labino wat unin kabarano, ma di sa woro murung tari usa utasi, in wakak toromi, sako in ben raro ara tagun a kum nat liklik ri un tu sakino, ra kura numur in los a labino warkurai.

A Pas anun o Pol torom a taro Rom 11:9

Ma o Dewid kai i watungi torom a Labino lenri, “Ra det kis tomo una nundet a lu na inangon, un pukusi sur in elar namin nukun torom det, elar nama uben ra i pam sikot det, elar nam in nutung ra det puku dorong uni, ma a warkurai na minabalu kai.

A Pas anun o Pol torom a taro Rom 14:10

Ma ui, u lai ra u takun o tisim? U lai ra u tama pisopiso o tisim? Uni dat rop dat in tur numugu tan a kiskis na warkurai anun o God.

A Pas anun o Pol torom a taro Rom 14:3

Osi ra i nurnur lena i wakak kut ra in nan a kum utna rop, gong i tama pisopiso o naro ra ke wan a kum utna rop. Ma osi ra ke wan a kum utna rop, gong i warkurai o naro ra i wan a kum utna rop lena i pam a sakino petutna, uni o God ut i sa gas pasi.

A Pas anun o Pol torom a taro Rom 14:4

Osi ui ra un warkurai a tultul anun taio gisen? Anun a Labino ut in tama i, ra in tur dekdek o in puku. Ikut in tur dekdek ut, uni a Labino in pet lar pasi sur in udekdeki.

A Pas anun o Pol torom a taro Rom 16:17

A kum tistising, a saring mot sur mot in tumarong mot gusun a taro ra det ser pagol susuaro a taro na lotu, ma det watung a kum wasiso ra i turbat a kum etowo ra mot sa rakon pasi. Mot in nan gisen gusun det.

1 Korin 10:32

Gong mot pam tu utna ra in upuku taio tagun a taro Juda, o tagun a taro ra awu sur a taro Juda, o tagun a taro na lotu anun o God.

1 Korin 11:13

Mot ut mot in nuknuk una kum wasiso ri. Pepetlai, i tokodos sur a ino in wararing torom o God, ra ke rakup bat in lorino? Awu.

2 Korin 5:14

A marmaris anun o Karisito i ukatutur met, sur met in papam toromi. Uni met tasman mulusi lena, o Karisito i mat sur dat rop. Ra lenra, dat rop dat mat tomo nami.

2 Korin 6:3

Ka met ser pam tu petutna sur a taro det in watung laulau anumet a pinapam, ma ka det in nurnur.

Pilipai 1:10

Ra in lenra, mot in pet lari sur mot in tasman lele asau ra i wakak o ke wakak, sur a magiramot in tokodos umatan o God, ma katu etakun in los mot una bung ra o Karisito in nanpat.

1 Timoti 5:14

A nemi sur a kum ula, ra det dekdek utmakai, det in nolin melet, det in usus melet, ma det in tamtamabat anundet a kum rumu, sur gong det pam tu utna ra anundat a kum ebar det in watung laulau dat uni.

Jems 2:4

ke takai anumot a ngasino torom a taro rop, ma mot warkurai kut nama sakino nuknuki mot.

Jems 4:11

A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

1 Jon 2:10

Ikut osi ra i nem o tisino, i kis una talapor, ma katu utna una nun a nilaun in ban lingi sur in puku.

Tamtama 2:14

Ikut a takun mot una kum utna ri: Ara taro ra kura det epotor tamot, det sa mur a etowo anun o Balam, i ra i ususer o Balak sur in usobor a taro Israel ma det pam a sakino petutna, ra det wan a utna na inangon di etabor nami torom a kum torotoro na god, ma det pam a kum petutna na pamuk.