A Pas anun o Pol torom a taro Rom 13:13 - Nupela Testamen long tokples Kandas

¹³ Dat in muri mo a tokodos na petutna, elar nami ra dat laun una waspi. Gong dat sipak, ma dat longlong tuptupukus. Gong dat pam a kum petutna na pamuk, ma a kum utna na maimai. Gong dat taptapagol, ma gong dat nuknuk laulau.

A Pas anun o Pol torom a taro Rom 13:13 ပူးပေါင်းရင်းမြစ်များ

Luk 1:6

Der aru tene tokodos umatan o God, der mur wakak a kum Warkurai rop anun a Labino.

Luk 16:19

“Ara tene gongon, i ser emar nama kum wakak na malu, ma i ser wangon wakak una kum bung rop.

Luk 21:34

“Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.

Aposel 2:15

Mot watungi lena det sipak. Ikut awu, uni i lisu na pakano bung utmakai una kobot.

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

Galesia 5:19

Dat sa tasman a kum sakino petutna ra a nemnem ina pinindat i ser pami. Iri a kum petutna: A kum pamuk na petutna, a dur na petutna, a nemnem sur a sakino petutna,

Galesia 5:21

a nuknuk laulau sur a utna anun taio, a ininum, a kukuk tuptupukus nama kum longlong na petutna, ma lako kum sakino utna utkai lenra. A sa utumarong mugu tar mot munung, ma uniri a utumarong mot melet lena, a taro ra det ser pam a kum petutna ri, ka det in ruk una matanitu anun o God.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Epeses 5:15

Mot in tamtamabat wakak anumot a ngas na nilaun ra mot laun nami, ma gong mot laun elar nama kum longlong, mot in laun elar nama taro na mananos.

Epeses 5:18

Gong mot sipak nama wain, uni in ban laulau anumot a nilaun. Ikut, mot in bukus nama Tokodos na Nion.

Epeses 5:8

Numugu mot kis una dumirum, ikut uniri, mot kis una talapor uni mot tagun a Labino. Mot in laun elar nama kum nutnutun a talapor.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 2:3

Gong mot pam tu utna sur in warut mot ut, ikut ken warut ara taro kai. Gong mot pam tu utna sur mot in ulabo pas mot nami. Mot in unatino pas mot ma mot in nuk ulabo pas ara taro gisen.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Tesalonaika 2:12

Metul udekdek mot, metul wasiso na emarom torom mot, ma metul inanos mot sur mot in laun nama ngas na nilaun ra i ugasgas o God, i ra i kabo pas mot sur anun a matanitu ma anun a minamar.

1 Tesalonaika 4:12

Ra mot in pami lenra, a taro ra ka det nurnur det in ru mot, ma ka mot in nura taio sur in tabor mot.

1 Tesalonaika 5:17

Gong mot mana nama niaring.

Jems 4:5

Pepetlai, mot nuki lena a Buk Tabu i wasiso oros kut? I watungi lena, “A Nion o God, ra o God i pitar tari tandat, i nem dat sur dat anunu ut.”

1 Jon 2:6

Osi ra i watungi uni lena, i anun o God, in laun elar nama nilaun anun o Iesu.

2 Jon 1:4

A gas doko ra a longoro i lena, a ramano kum nutnutum, det mur a lingmulusino, elar nama warkurai ra a Tamandat i sa pitar tari torom dat.

A Pas anun o Jud 1:23

Ma mot in dat ulaun lakit pas ara taro ra kura mo una sungun. Ma torom ara taro kai, mot in ese a marmaris, ikut mot in ngara utkai, sako mot in mur a ngasino anundet. Ma mot in ngaran anundet a kum malu ra i dur nama nundet a kum sakino petutna.