A Pas anun o Pol torom a taro Rom 12:13 - Nupela Testamen long tokples Kandas

¹³ Ra a taro anun o God det sibo sur tu utna, mot in warut det. Mot in dekdek sur mot in gas pas a kum usiro.

A Pas anun o Pol torom a taro Rom 12:13 ပူးပေါင်းရင်းမြစ်များ

Matiu 25:35

Uni a murak ra mot tabor iau, a muruk ra mot inum iau, a usiro ra mot ben ruk iau una rumu.

Aposel 10:4

Ra o Konelias i tamtama dekdek toromi nama labino nginara, ra i tingi lena, “Labino, asau ra?” Ra a ensel i balu i lena, “Anum a kum niaring ma a kum etabor torom a kum sibo na taro, det wan usapat torom o God, elar nama etabor ra i ugasgasi.

Aposel 4:35

det losi torom a kum aposel. Ra det isuaro i torom osi ra i sibo.

A Pas anun o Pol torom a taro Rom 12:8

Ma osi ra o God i pitar tar a etabor na ururagot tano, i wakak sur in uragot a taro nami. Ma osi ra o God i pitar tar a etabor sur in tene etabor, i wakak sur in palos lamano torom a taro. Ma osi ra o God i pitar tar a etabor sur in mugumugu, i wakak sur in papam dekdek sur in mugu wakak a taro. Ma osi ra o God i pitar tar a etabor sur in tene marmaris, i wakak sur in maris a taro nama gasgas.

1 Korin 16:15

Mot sa tasmani lena a taro ra det kis una rumu anun o Stepanas, det a mugano taro ra det nukpukus tiro una papor Akaia, ma det sa pitar tar det sur det in warut a taro anun o God. A saring mot, a kum tistising,

2 Korin 9:1

Kan tumtumus melet mo torom mot una pinapam na warut torom a taro anun o God sapat o Jerusalem.

2 Korin 9:12

A pinapam na warut ri mot pami, ke waruti kut a taro anun o God nama utna ra det sibo suri, i pam pati utkai a watung wakak torom o God tan a susut na taro.

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

1 Timoti 3:2

A magiran a mugumugu na lotu in lenri: gong tu etakun i kis uni, in nolin kut nam ara ino, in tumarong a magirano, in tamtamabat wakak anun a nilaun, i a ngas na musano ra a taro det ser urur uni, in ser gas pas a taro una nun a rumu, ma i a wakak na tene ususer.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

Taitus 1:8

In ser gas pas a taro una nun a rumu, ma in nemnem sur a wakak na petutna, in tamtamabat wakak anun a nilaun, in tene tokodos, in tokodos umatan o God, ma in warkurai wakak anun a nilaun.

Taitus 3:14

Anundat a taro, det in lason sur det in pitar mulus tar det una wakak na pinapam, sur det in wu a wakak na windet una anundet a nilaun, ma det in warut a sibo na taro.

Pilimon 1:7

Tisinglik, anum a marmaris torom a taro anun o God i sa pitar tar a labino gasgas tang, ma i uragot iau, uni u ugasgas a nilaun anundet.

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.

Ibru 13:2

Gong mot dumano i sur mot in gas pas a kum usiro. Uni ara taro ra det pam a ngasino ra, det sa gas pas a kum ensel, ikut ka det tasmani.

Ibru 6:10

O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.

1 Pita 4:9

Mot in gas etetalai pas mot una anumot a kum rumu, ma gong mot pami nama wasiso na ururai.

1 Jon 3:17

Ra taio anun a susut na utna, ma i tama o tisino i sibo, ikut ke marisi nam tu utnalik, a marmaris anun o God ke kis uni.

3 Jon 1:5

A wakak na pasang, u lingmulus una pinapam ra u pami torom a kum tistisin dat, ra det usiro pat torom ui.