A Pas anun o Pol torom a taro Rom 11:20 - Nupela Testamen long tokples Kandas

²⁰ A lingmulus ut, o God i pak ru det uni ka det nurnur. Ikut mot, mot tur dekdek uni mot nurnur. Gong mot ulabo pas mot, mot in ngara.

A Pas anun o Pol torom a taro Rom 11:20 ပူးပေါင်းရင်းမြစ်များ

Luk 18:14

A watungi tamot, a musano ri, ra i milet melet sur anun a rumu, i sa tokodos umatan o God, ma ara pasander awu. Uni det rop ra det ulabo pas det, din unatino det. Ma osi ra i unatino pasi, din ulabo pasi.”

Aposel 18:6

Ikut a taro Juda det wasiso batbat o Pol ma det watung a kum sakino wasiso uni. Ra o Pol i tutupu anun in namalu, a ukinalong lena, in rosumur gusun det. Ma i watungi tandet lena, “Ra mot in iru una warkurai anun o God, i kibino un mot ut, ma iau, a langolango. Turpasi uniri, an nan mukut torom det ra awu sur a taro Juda.”

A Pas anun o Pol torom a taro Rom 11:18

Gong mot tama pisopiso a kum kano ra di sa pak ru det. Ra mot tama pisopiso det, mot in nuk pasi lena, in wakakor nin nanai ut i pitar a nilaun torom mot a kum kano, awu sur a nilaun i wan tagun mot.

A Pas anun o Pol torom a taro Rom 11:21

Uni o God ke maris bat a kum kano tagun in nanai na oliw mulus. Ra i pami lenra torom det, in pami kai lenra torom mot ra ka mot nurnur.

A Pas anun o Pol torom a taro Rom 12:16

Mot in tur tomo nama wakak na petutna etetalai torom mot. Gong mot nuk ulabo pas mot, mot in gas sur mot in kis tomo nama taro ra ka di ulabo pas a risandet. Ma gong mot nuki lena mot mananos doko.

A Pas anun o Pol torom a taro Rom 12:3

Una marmaris anun o God, a watungi torom mot rop lena: Gong mot nuk ulabo pas mot ut. Mot in nuknuk wakak un mot, elar ut nama nurnur ra o God i sa pitar tari torom mot.

A Pas anun o Pol torom a taro Rom 3:3

I pepetlai ra ara taro Juda ka det nurnur? Ra ka det nurnur, pepetlai, i topasi sur in turbat o God sur gong i pam sot anun a wasiso?

1 Korin 10:12

Ra taio i nuki lena i tur dekdek, in tumarong, sako in puku taru una sakino petutna.

1 Korin 15:1

A kum tistising, a nemi sur an inanos melet mot una Wakak na Wasiso, ra numugu a sa warawai taru nami torom mot, ma mot sa los pasi, ma mot sa tur dekdek uni.

1 Korin 16:13

Mot in tumarong, ma mot in tur dekdek una nurnur. Mot in elar nama kum dekdek na musano, ra ka det ngara.

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

2 Korin 10:5

Met kamar ru a kum torotoro na wasiso ra a taro det uman labino nami, sur det in turbat a taro sur gong det tasman o God. Ra met dat pukus a nuknukin a taro, sur det in mur a wasiso anun o Karisito.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Kolosi 2:7

Anumot a nilaun in wakakor un o Iesu sur in lubung, ma mot in tur netes uni. Mot in tur dekdek una nurnur elar nami ra di sa ususer tar mot uni, ma mot in bukus nama watung wakak torom o God ma anumot a watung wakak in pulpulas.

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

1 Timoti 6:17

Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 3:19

I mo ra dat tama i lena ka det pet lar pasi sur det in ruk una nun a tamon na mana, uni ka det nurnur.

Ibru 4:11

I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.

Ibru 4:6

Det ra det sa longoro tar a Wakak na Wasiso numugu, ka det ruk una nun a tamon na mana, uni ka det mur a wasiso anunu. Ikut a kisapi i papos utmakai, sur lako taro gisen det in ruk una nun a tamon na mana.

Jems 2:19

U nurnur lena o God i ara kut. I wakak. A kum laulau na nion kai det nurnur lenra, ma det ngara suri, ra det neneder.

Jems 4:6

Ra a marmaris ra o God i pitar tari tandat i labo sakit. A Buk Tabu i watungi lenri, “O God i nget det ra det ser ulabo pas det, ikut i maris det ra det ser unatino pas det.” Snd 3:34

1 Pita 1:17

Ra mot ser wararing, mot watung o God, a Tamamot. I wakak ra mot in laun nama nginara umatano, una anumot a kinkinis na usiro nin una rakrakon bual, uni i ra, in warkurai a taro rop nama tokodos na warkurai, una kum utna rop ra det sa pam tari.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

1 Pita 5:9

Mot in tur dekdek una nurnur ma mot in turbati, uni mot tasmani lena, a kum tistisi mot una rakrakon bual rop det taramo a kum ngunungut, elar nami ra mot taramo i.

Tamtama 18:7

Mot in pitar a labino ngunungut ma a labino tupunuk tano, ra in labo elar nama a ngas na petutna ra i ser ulabo pasi ut, ma i ser ugasgasi una kinkinis na tene ululeng, I nuki uni lena, ‘Iau a kwin, ma a kis una nung a kiskis na kwin. Awu sur iau a ula, kan tupunuk lar pas.’

Tamtama 3:17

Uni mot watungi lena, ‘Lingmulus, iau a tene gongon. A ubek tomo a susut na ululeng ma ka sibo sur tu utna.’ Ikut ka mot tama lele i lena, anumot a kinkinis ke wakak, mot pot na marmaris, mot sibo, mot pulu ma mot mengere.