A Pas anun o Pol torom a taro Rom 11:17 - Nupela Testamen long tokples Kandas

¹⁷ A taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus.

A Pas anun o Pol torom a taro Rom 11:17 ပူးပေါင်းရင်းမြစ်များ

Matiu 21:43

I mo ra a watungi tamot lena, din rakon ru a matanitu anun o God gusun mot, ma din pitari tan ara taro ra det in wu a wakak na windet.”

A Wakak na Wasiso un o Iesu Karisito o Jon i tumusi 15:1

O Iesu i watungi lena, “Iau ut in nanai na wain mulus, ma o Tita i a tene tamtamabat tagun a kinobot na wain.

A Wakak na Wasiso un o Iesu Karisito o Jon i tumusi 15:2

I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino.

A Wakak na Wasiso un o Iesu Karisito o Jon i tumusi 15:6

Ra taio ken laun un iau, i elar nama kano duwai, ra di woro ru i ra numur in marang. Din ubek tomo det, ma din woro det una sungun, sur det in nangon rop tiro iai.

Aposel 2:39

Uni a etabor ri ra o God i sa uliliman taru uni, in nan torom mot, ma torom a kum nutnutu mot, ma det utkai ra det kis bakbak. In nan torom det rop, ra a Labino anundat a God in kabo pas det toromi.”

A Pas anun o Pol torom a taro Rom 11:24

O God i pak pas mot gusun in lomlom nin nanai na oliw, ma i kubus tomo tar mot namin nanai na oliw mulus, ra awu sur tagun mot. Ra i pami lenra, ke ngangitin sur in kubus tomo melet a kum kano tagun in nanai na oliw mulus namin nanai ino.

Galesia 2:15

“Di usus dat a kum te Juda, awu sur dat elar nama taro ra awu sur a taro Juda, ra dat ser watung det lena a kum tene sakino.

Epeses 3:6

Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.

Kolosi 2:13

Numugu a niomot i mat, uni mot pam a kum sakino petutna, ma ka di rakon ru a laulau na nemnem ina pinimot. Ikut uniri, o God i sa ulaun pas mot tomo nam o Karisito. I sa unus ru anundat a kum sakino petutna rop.

Tamtama 11:4

Aru tene wasiso puaso ri, der arin nanai na oliw ma aru turtur na lam, ra der tur umatan a Labino anun a rakrakon bual.