A Pas anun o Pol torom a taro Rom 1:29 - Nupela Testamen long tokples Kandas

²⁹ Det bukus nama kum wur ngas na sakino petutna rop ri: Det pam a sakino torom a taro, det nemnem sur a susut na ululeng, ma det nem na ban laulau a taro. Det bukus nama nuknuk laulau sur a utna anun taio, det um doko a taro, det engaras, det torotoro, ma det nget a taro. Det wasiso eno,

A Pas anun o Pol torom a taro Rom 1:29 ပူးပေါင်းရင်းမြစ်များ

Matiu 5:32

Ikut iau, a watungi tamot lena, ra a ino ke pam a sakino nam tu musano, ma anun a musano i lu oros ru i kut, ma a ino i nolin melet, i pam a sakino. Ikut anun a musano, i kibino una sakino ra. Ra tu musano in nolin nam tu ino ra anun a musano i lu ru i, i kai i sa pam tar a sakino, uni a ino ra, i nolin ut.

A Pas anun o Pol torom a taro Rom 3:10

Elar nami ra di sa tumus tari una Buk Tabu lena, “Katutaio i tokodos, katutaio ut!

2 Korin 12:20

A ngara, sako ra an nanpat torom mot, kan tama torom a kum petutna ra a nemi sur an tama i. Ma mot kai, ka mot in gas una petutna ra an nanpat nami. A ngara, sako an etorom pas a ngas na kinkinis lenri: mot wasiso na engaras, mot nuknuk laulau, mot kankan, mot kis susuaro, mot emang, mot wasiso eno, mot ulabo pas mot ut, ma anumot a kinkinis i purpuruon.

1 Timoti 3:11

Torom anundet a wardain kai in lenra, det a kum ngas na wardain ra a taro det ser ru det. Gong det wasiso eno, det in tumarong a magirandet, ma det in lingmulus una kum pinapam rop.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.