Pilipai 4:9 - Nupela Testamen long tokples Kandas

⁹ Asau ra mot sa ususer pasi tagun iau, o mot sa rakon pasi, o mot sa longoro tari tagun iau, o mot sa tama tari un iau, mot in muri. Ra o God a tene malmal in kis tomo nam mot.

Pilipai 4:9 ပူးပေါင်းရင်းမြစ်များ

Matiu 1:23

“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” Ais 7:14 a kukuraino lena, “O God i kis tomo nam dat.”

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Matiu 7:21

“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.

Luk 6:46

“Ilai ra mot watung iau ‘Labino, Labino,’ ma ka mot pam asau ra a watungi tamot?

Luk 8:21

Ra i balu det lena, “Det ra det longoro a wasiso anun o God ma det muri, det ra o nang ma a kum tistising.”

A Wakak na Wasiso un o Iesu Karisito o Jon i tumusi 13:17

Ra mot tasman a kum utna ri, ma mot pami, mot in dan.

A Wakak na Wasiso un o Iesu Karisito o Jon i tumusi 15:14

Ra mot in mur anung a kum warkurai, mot a kum paspasang.

A Wakak na Wasiso un o Iesu Karisito o Jon i tumusi 2:5

O nan o Iesu i watungi tan a kum tultul lena, “Mot in pami kut asau ra in watungi tamot.”

Aposel 9:6

Uniri, un katutur ma un nanpat utiro una tamon Damaskus, ra din inanos ui nama sau ra un pami.”

A Pas anun o Pol torom a taro Rom 15:33

O God, i a kibin a malmal, in kis tomo nam mot rop. Amen.

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

1 Korin 10:31

Lenra, ra mot wangon, o mot inum, o tu ngas na utna kai mot pami, mot in pami sur mot in ulabo pas o God nami.

1 Korin 14:33

Uni o God, a God na malmal, ma ke nem a utna ra i lokolokor. I wakak ra a wardain det in kis wowowon kut una lotu, elar nama taro anun o God det ser pami una kum tamon rop. Ka di mulaot tar det sur det in wasiso. Det in unatino pas det, elar nama Warkurai anun a taro Juda i watungi.

1 Korin 4:16

I mo ra a udekdek pas mot sur mot in mur anung a petutna.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

Pilipai 3:17

A kum tistising, mot in mur anung a kum ngas na petutna, ra a sa pam ususer tar mot nami, ra i wakak sur mot in tamtama murmur det ra det muri.

Pilipai 4:7

Ra a malmal anun o God ra i labo sakit taun a mananos rop anun a taro, in tamtamabat a balamot ma a nuknuki mot, uni mot tagun o Karisito Iesu.

1 Tesalonaika 1:6

Mot sa mur pas a magirametul ma a magiran a Labino. A taro det ban laulau mot, ikut mot pam ukai a wasiso nama gasgas, ra a Tokodos na Nion i pitar tari tamot.

1 Tesalonaika 2:14

A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda,

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

2 Tesalonaika 3:4

Metul nurnur una Labino lena kura ut mot mur a kum wasiso ra metul sa inanos tar mot uni, ma mot in ser muri lenutra.

2 Timoti 4:22

A Labino in kis una niom. A marmaris anun o God in kis torom mot.

Jems 1:22

Mot in mur a wasiso anun o God, ra gong mot longoro oros tari kut, sako mot in toro pas mot melet ut.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

1 Jon 3:22

Ma asau rop ra dat saringi suri, in pitari ut tandat, uni dat mur anun a kum warkurai, ma dat pam asau ra i ugasgasi.