Pilipai 4:18 - Nupela Testamen long tokples Kandas

¹⁸ A sa los pas a kum utna rop ra mot tula i. I labo sakit, ma i labo taun anung a sibo. Ka sibo mo sur tu utna, uni a kum utna ra mot tula i, a sa los pasi tan o Epaproditus. I elar nama etabor torom o God, ra i sangnain wakak, ra o God i gas nami, ma i tokodos toromi.

Pilipai 4:18 ပူးပေါင်းရင်းမြစ်များ

Aposel 10:4

Ra o Konelias i tamtama dekdek toromi nama labino nginara, ra i tingi lena, “Labino, asau ra?” Ra a ensel i balu i lena, “Anum a kum niaring ma a kum etabor torom a kum sibo na taro, det wan usapat torom o God, elar nama etabor ra i ugasgasi.

A Pas anun o Pol torom a taro Rom 12:1

I mo ra a kum tistising, a saring mot sur mot in pitar tar a pinimot rop torom o God, uni o God i maris doko mot. Mot in pitari elar nama etabor ra i laun, ma katu dur uni, ma i elar nam anun a nemnem ut. I ra anumot a lotu mulus torom o God.

2 Korin 11:8

A los a mani gusun a taro na lotu una ramano kum tamon gisen, sur in warut iau una nung a pinapam epotor tamot. I elar nami ra a wolong anundet a mani sur an papam torom mot.

2 Korin 9:12

A pinapam na warut ri mot pami, ke waruti kut a taro anun o God nama utna ra det sibo suri, i pam pati utkai a watung wakak torom o God tan a susut na taro.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Pilipai 4:12

A sa tasman a kinkinis na sibo, ma a sa tasmani utkai a kinkinis nama susut na utna. A sa lason sur an gasgas una a kum ngas na kinkinis ra an etoromi: ra an masur, o an murak, ra a utna in susut tang, o an sibo.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.

1 Pita 2:5

Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito.