Pilipai 3:19 - Nupela Testamen long tokples Kandas

¹⁹ Det wan mukut sur a iniru, a nemnem na pinindet i anundet a god. Det uman nama kum petutna ra din maimai nami. A nuknukin det i kis kut una kum utna taginin upiso.

Pilipai 3:19 ပူးပေါင်းရင်းမြစ်များ

Matiu 16:23

O Iesu i tupukus torom o Pita ra i watungi tano lena, “Satan, un nan unago numur tang! U ubatbat iau, uni, u muri kut a nuknukin a taro, ma ko mur a nuknukin o God.”

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Luk 12:19

Ra an watungi tan a niong lena, “A niong, anum a kum ululeng i susut doko, sur in kis lako susut na kilalo. Un mana, un nangon, un inum ma un gas.” ’

Luk 16:19

“Ara tene gongon, i ser emar nama kum wakak na malu, ma i ser wangon wakak una kum bung rop.

Luk 18:4

I sa suano i ma ke mulaot tano, ra numur i nuki lena, ‘A lingmulus, ka ngara sur o God, ma ka ser nuk pas a taro,

A Pas anun o Pol torom a taro Rom 16:18

A ngas na taro ra, awu sur det mur anundat a Labino o Karisito, awu. Det muri ut a nemnem ina pinindet. Det ser wasiso nama kum namnamin na wasiso ma a wasiso na ugasgas, sur det in usobor a taro ra ka det mananos wakak.

A Pas anun o Pol torom a taro Rom 6:21

Numugu mot ser pam a kum sakino petutna, ra uniri mot maimai uni. Ra mot pami, i warut mot pepetlai? I ben mot kut sur a minat.

1 Korin 3:3

Mot muri utmakai a kum petutna taginin una rakrakon bual. I talapor lena mot laun utmakai elar nama taro taginin una rakrakon bual, uni mot ser nuknuk laulau ma mot ser wasiso na kankan etetalai. Mot laun elar nam det ra ka det nurnur.

1 Korin 5:2

Ikut mot, mot dat walos a lorimot! Ilai ra ka mot tangis na maimai una petutna ra? Ma ilai ra ka mot rakon ru a musano ra gusun mot?

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

2 Korin 11:12

An pam liklik a kum utna ri a pami, sur det ra det watung det a kum aposel, det in tasmani lena, anundet a pinapam ke elar nam anumet a pinapam. I mo ra katu kibino sur det in warango det una nundet a pinapam.

2 Korin 11:15

Ma ka dat in kisin kai ra anun a kum tene pinapam, det in pukus pas det, sur det in tamtama elar nama kum tene pinapam anun a tokodos na petutna. Numur det in los anundet a ikul, elar ut nam anundet a sakino pinapam.

Galesia 6:13

Det ut ra di tok talilis det, ka det mur sot pas a Warkurai. Ikut, det nemi ut sur din tok talilis mot, sur din warango pas det un asau ra det pami un mot.

Pilipai 2:21

Uni, a taro rop det nuk pas det ut ma anundet a kum pinapam, ma ka det nuk pas o Iesu Karisito ma anun a pinapam.

Kolosi 3:2

I wakak ra a nuknuki mot in kis una kum utna sapat una langit, ma gong i kis una kum utna taginin upiso.

2 Tesalonaika 1:9

Det in taramo a warkurai na minabalu ra ken rop, i a iniru tukum, ma det in kis gisen gusun a Labino ma a minamarin a dekdekino.

2 Tesalonaika 2:12

I mo ra, det ra ka det nurnur una lingmulusino, ma det gas kut una sakino, det rop det in iru una warkurai anun o God.

2 Tesalonaika 2:8

Numur a tene lakai warkurai in nanpat puaso, ma a Labino o Iesu in kamar ru i nama wuwu na wano, ma in ban laulau i nama minamarin anun a inawan pat.

1 Timoti 6:5

A ngas na taro ri, det ser pam pat a purpuruon, a nuknukin det ke tokodos, ma det rosumur gusun a lingmulusino. Det nuki lena, ra det in mur a petutna ra i wakak umatan o God, a petutna ra, in pam pat a mani sur det in tene ululeng.

2 Timoti 3:4

Det in usobor a kum paspasan det, det in pam a kum tuptup na petutna, det in ulabo pas det ut, det in nem doko a gasgas tagun a rakrakon bual, ma ka det in nem o God.

Jems 4:16

Ikut uniri, mot sa warango pas mot melet nam anumot a kum wasiso. A ngasino lenra ke wakak.

2 Pita 2:1

Numugu a kum torotoro na poropet det kis epotor tan a taro Israel. Lenkutkai ra a kum torotoro na tene ususer det in nanpat epotor ut tagun mot. Det in uruk eno anundet a kum torotoro na etowo ra in ban laulau a nurnur, ra det in ipul ru a Labino ra i sa kul pas det. I mo ra aiapiap kut, det in los a iniru.

2 Pita 2:13

O God in balu anundet a kum sakino petutna nama laulau ino. Det gas kut ra det inum ma det sipak tuptupukus una waspi. Ra det kis tomo nam mot una kum inangon, ma det gas una nundet a kum torotoro na petutna, anundet a dur na petutna i ban umaimai mot.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.

A Pas anun o Jud 1:10

Ikut a taro ri det wasiso laulau una kum utna ra ka det talapor uni. Ma anundet a mananos i elar kut nama mananos anun a kum wewegua, ra det muri kut a nemnem ina pinindet. A utna ra, det in iru uni.

A Pas anun o Jud 1:16

A taro ri, det a kum tene ururai ma a kum tene pukpukus. Det mur a kum laulau na nemnem anundet, ra det ulabo pas det ut. Det ugasgas pasi kut a taro nama nundet a kum namnamin na wasiso, sur det in los tu utna gusun det.

A Pas anun o Jud 1:4

A tumus a utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, “I wakak kut ra dat in pam a kum petutna na pamuk.” Ma det ipul ru i kut anundat a Mugumugu ma anundat a Labino o Iesu Karisito, i ara sot kut.

Tamtama 18:7

Mot in pitar a labino ngunungut ma a labino tupunuk tano, ra in labo elar nama a ngas na petutna ra i ser ulabo pasi ut, ma i ser ugasgasi una kinkinis na tene ululeng, I nuki uni lena, ‘Iau a kwin, ma a kis una nung a kiskis na kwin. Awu sur iau a ula, kan tupunuk lar pas.’

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.