Pilipai 3:18 - Nupela Testamen long tokples Kandas

¹⁸ Uni a susut na dino a sa inanos tar mot lena, a susut, det laun elar nama kum ebar anun in nanai kutus anun o Karisito. Ra uniri a inanos melet mot, ma a lurlur na matang i puku.

Pilipai 3:18 ပူးပေါင်းရင်းမြစ်များ

Luk 19:41

Ra o Iesu i sa milau o Jerusalem ra i tama i, i tangis suri, ra i watungi lena,

Aposel 20:19

A taro Juda det wasiso tomo sur det in pam a kum sakino petutna un iau, ma a taramo a mamaut uni. Ikut, a papam ut torom a Labino, ma a unatino pas iau, ma a lurlur na matang i puku.

A Pas anun o Pol torom a taro Rom 9:2

A nuknuking i maut doko, ma ka mana nama tupunuk.

1 Korin 1:18

Uni a wasiso unin nanai kutus, a longlong na wasiso kut torom det ra det wan sur a iniru. Ikut, torom dat ra o God i ulaun dat, a wasiso unin nanai kutus, i a dekdekin o God.

1 Korin 6:9

Pepetlai, ka mot tasmani lena det ra det pam a sakino ka det in rakon a matanitu anun o God? Gong mot toro mot ut. Uni det ra det pam a kum pamuk na petutna, ma det ra det lotu torom a kum torotoro na god, ma det ra ka det ru a kinkinis na nolin, ma det ra a kum pamuk na musano ra det siuru a pinpinin det, ma a kum musano ra det nolin melet nama kum musano,

2 Korin 11:13

Uni a kum musano ra, a kum torotoro na aposel, a kum torotoro na tene pinapam, ma det pukus pas det sur det in tamtama elar nama kum aposel anun o Karisito.

2 Korin 11:29

Ra taio tagun det, anun a nurnur i kis pirso, iau kai a pining in ngoro. Ra taio tandet di sa ben tari una sakino, in balang in sungun nami.

2 Korin 2:4

A tumtumus torom mot nama tupunuk, ma in balang i maut doko ma a lurlur na matang i puku. Ka nemi sur an utupunuk mot, a nemi sur mot in tasmani lena, a nem doko mot.

Galesia 1:7

A etowo ra, awu sur a Wakak na Wasiso. Ara taro det ulokolokor a nuknuki mot ma det lari sur det in pukus a Wakak na Wasiso anun o Karisito.

Galesia 2:14

Ra a tama i lena, a utna ri, det pami ke elar nama lingmulus ina Wakak na Wasiso, a watungi torom o Pita umatandet rop lena, “Pita, ui a te Juda, ikut u laun elar nama taro ra awu sur a taro Juda. Asau a kibino ra u ungongos pas a taro gisen sur det in mur a kum petutna anun a taro Juda?

Galesia 2:21

A marmaris anun o God torom iau i labo doko, ma kan madek oros ru i kut. Ra gunuk o God in watung taio a tene tokodos, uni i mur a Warkurai, o Karisito i mat oros kut.”

Galesia 5:21

a nuknuk laulau sur a utna anun taio, a ininum, a kukuk tuptupukus nama kum longlong na petutna, ma lako kum sakino utna utkai lenra. A sa utumarong mugu tar mot munung, ma uniri a utumarong mot melet lena, a taro ra det ser pam a kum petutna ri, ka det in ruk una matanitu anun o God.

Galesia 6:12

A taro ra det ungongos pas mot sur din tok talilis mot, det pami kut uni det nem na ulabo pas det umatan a taro. Det pami lenra uni det ngara. Uni det nuki lena, ra det in warawai una nurnur unin nanai kutus anun o Karisito, din ukadik det.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Epeses 4:17

Una risan a Labino, a inanos mot ma a utumarong mot lena, gong melet mo mot laun elar nama kum taro ra ka det nurnur. A nuknukin det ke topas tu utna.

Pilipai 1:4

Ma una nung a kum niaring rop sur mot rop, a ser wararing nama gasgas,

1 Tesalonaika 4:6

Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri.

2 Tesalonaika 3:11

Metul longoro i lena, a ramano taro tagun mot, a kum tubunu wok na taro. Ka det papam, det balon kut una uruk lorindet una utna ra awu sur anundeti.

2 Pita 2:10

Ma a Labino in warkurai dekdek det ra det mur a kum dur na nemnem ina pinindet, ma ka det nem na kis utuntudu in anun a warkurai. A kum torotoro na tene ususer ra, ka det ngara, ma det ulabo pas det ut. Ka det ngara ra det watung laulau a kum ukukis ra kusapat una langit.

A Pas anun o Jud 1:13

Det elar nama labino top ra i tapak, ma nundet a kum sakino petutna na maimai ra ka det maimai uni, i wanpat talapor elar nama busu na top. Ma det elar kai nama kum nangnang ra ka det kis una kinandet, det wan tuptupukus kut, ra o God i sa waninar tar a labino dumirum sur det, ma ken rop.