Pilipai 3:16 - Nupela Testamen long tokples Kandas

¹⁶ Ikut dat in mur a wakak na nilaun ra dat sa utur ukai pasi.

Pilipai 3:16 ပူးပေါင်းရင်းမြစ်များ

A Pas anun o Pol torom a taro Rom 12:16

Mot in tur tomo nama wakak na petutna etetalai torom mot. Gong mot nuk ulabo pas mot, mot in gas sur mot in kis tomo nama taro ra ka di ulabo pas a risandet. Ma gong mot nuki lena mot mananos doko.

A Pas anun o Pol torom a taro Rom 15:5

A wararing lena o God ut, ra i ser udekdek anundat a nurnur, ma i ser warut dat, in dat tomo mot sur in takai kut a nuknuki mot, ra mot mur a nilaun anun o Karisito Iesu.

Galesia 5:7

Numugu mot kalabor wakak. Ikut uniri, osi ra i ban lokolokor tar mot, ra ka mot muri mo a lingmulusino?

Galesia 6:16

A malmal ma a marmaris torom a taro rop ra det mur anung a etowo ri, det a taro Israel mulus anun o God.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 2:2

Ra a nemi sur in takai kut a nuknuki mot, mot in nem etetalai mot, ma mot in tur tomo una numot a kum pinapam, ma in takai kut a balamot. Ra mot in pami lenra, in ubukus anung a gasgas.

Pilipai 4:2

A saring mur o Ewodia ma o Sintike sur in takai kut a nuknuki mur, uni mur anun a Labino.

Kolosi 2:6

Mot sa los pas o Karisito Iesu sur i a Labino una numot a nilaun, i wakak sur mot in laun bolbolos ut uni.

Kolosi 4:2

Mot in dekdek nama niaring. Ra mot wararing, a nuknuki mot in talapor, ma mot in watung wakak torom o God.

Tamtama 3:3

I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.