Pilipai 3:13 - Nupela Testamen long tokples Kandas

¹³ A kum tistising, ka nuki lena, a sa utur ukai i. Ikut ara utna ra a pami, ka nuknuk melet sur asau ra tagun numugu, a dekdek mukut sur asau ra kuri numugu tang.

Pilipai 3:13 ပူးပေါင်းရင်းမြစ်များ

Luk 10:42

Ara utna kut i labo sakit sur a nuknukim in kis uni. O Maria i sa pilok pasi, ma katutaio ut in los ru i gusuni.”

Luk 9:62

O Iesu i watungi tano lena, “Osi ra in turpas a pinapam na kilkil piso, ma i ger unago numur, ke topasi a pinapam una matanitu anun o God.”

2 Korin 5:16

I mo ra uniri, anumet a petutna torom a taro ke elar nami ra numugu. Numugu met tama a taro elar nama ngasino taginin na rakrakon bual. Ma met tama i kai o Karisito elar nama taro tagun a rakrakon bual det tama i. Ikut uniri, anumet a tamtama ke len melet mo lar numugu.

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Pilipai 3:12

Awu sur a nuki lena, a sa utur ukai a kum utna rop ra, ma ka tokodos mulus utmakai. Ikut a dekdek utmakai sur an utur ukai a utna ra o Karisito Iesu i kabo pas iau suri.

Pilipai 3:8

I lingmulus, a kum utna rop ri, det a kum utna oros mukut torom iau. Ara utna kut ra i labo sakit, a tasman o Karisito Iesu anung a Labino. A sa ubek ru a kum utna rop ri, kibino un o Karisito. Det elar mukut nama beren umatang, sur an los pasi mukut o Karisito una nung a nilaun,

Ibru 6:1

I mo ra dat in nan usa numugu sur a kum etowo bulung ra in sot sur a taro ra det sa labo una nurnur. Gong dat ususer melet una kum mugano etowo un o Karisito ra dat sa ususer pas uni. A kum etowo lenri: a nukpukus gusun a kum petutna ra in ben dat sur a minat, a nurnur un o God,

2 Pita 3:8

A kum wakak na paspasang, gong mot dumano ara utna ri: Umatan a Labino, ara bung i elar nam ara arip na kilalo, ma ara arip na kilalo i elar kut nam ara bung umatano.