Pilipai 3:11 - Nupela Testamen long tokples Kandas

¹¹ I lenkutra, a nurnur lena, iau kai an katutur melet gusun a minat.

Pilipai 3:11 ပူးပေါင်းရင်းမြစ်များ

Luk 14:14

Ra un pami lenri, un dan. Uni, kalako utna anundet sur det in balu i tam, o God in balu i tam una bung ra a kum tene tokodos det in laun melet.”

A Wakak na Wasiso un o Iesu Karisito o Jon i tumusi 11:24

O Mata i balu i lena, “A tasmani lena in laun melet una bung ra o God in ukatutur melet pas a taro gusun a minat.”

Aposel 23:6

O Pol i tasmani lena, a ramano taro tagun det, a kum Sadusi, ma ara taro kai a kum Parisi, ra i kakabo una kiwung lena, “A kum tistising, iau a Parisi, ma a nutun a Parisi. Uniri di takun iau uni a kis langlang nama nurnur una katkatutur melet anun a kum minat.”

Aposel 26:7

Anumet a noino ma aru kabotaro, det kis langlang nama nurnur sur din pam sot pas a liliman ra torom det, ra det ser lotu torom o God una kum mirum ma a waspi rop. King, a taro Juda det takun iau, uni a nurnur ut una liliman ra.

Aposel 27:12

A mulmulukun ra, awu sur i wakak sur det in kis ru a kum kalang na wuwu tiro iai. Ra a susut tagun det, det nuki lena, i wakak sur det in kalabor utong o Poniks, sur det in kis langlang ru a wuwu tiro iai. O Poniks, a wakak na mulmulukun sur din bakit uni. I tamtama sur a nubual ra in matanas i ser sup iai.

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

1 Korin 9:22

Ra a kis tomo nama taro ra ka det dekdek, iau kai ka dekdek, sur an ben pukus pas det torom o Karisito. A elaro iau sur an elar nama kum ngas na taro rop, ma a mur a kum ngas na kisapi rop sur an ulaun lako taro.

1 Korin 9:27

A tumtubul a pining sur in mur wakak anung a nemnem. A pami lenri, sako a sa warawai taru nama Wakak na Wasiso torom a taro gisen, ikut iau ut, o God in ipul ru iau, ma kan los tu ikul.

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

1 Tesalonaika 3:5

I mo ra a tulu ru o Timoti torom mot. A tulu ru i torom mot sur an mananos una numot a nurnur, uni a ngara doko un mot ma ka nem na kis liklik mo. A ngara, sako a tene ululam i sa ulam pas mot, ma anumetul a pinapam torom mot in utna oros kut.

2 Tesalonaika 2:3

Gong mot madek tar taio sur in toro mot nam tu wasiso o tu kisapi sur mot in muri. Uni a bung ra, ken nanpat utmakai, tuk ut ra, lako susut na taro det in rosumur gusun o God, ma a tene lakai warkurai in nanpat pupuaso, i ra, numur in iru.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 11:35

Una nundet a nurnur, a kum wardain det gas pas a kum kukundet ra det sa laun melet gusun a minat. A ramano taro kai di ukadik laulau det, tuk ra det mat, uni ka det nemi sur det in ipul ru o God sur din palos ru det. Det pami lenra sur det in los a nilaun melet gusun a minat ra i wakak sakit taun a nilaun nin upiso.

Tamtama 20:5

Iri a mugano katkatutur melet gusun a minat. Ikut det rop ra det sa mat ma ka det laun melet una du bung ra, ka det in laun melet tuk ra ara arip na kilalo ra, in rop, ra det in katutur maragom.