Pilipai 3:10 - Nupela Testamen long tokples Kandas

¹⁰ A nemi sur an tasman o Karisito ma a dekdekin anun a katkatutur melet gusun a minat, ra a nemi sur an tur tomo nami una nun a kum ngunungut, ma an elar ut nami una nun a minat.

Pilipai 3:10 ပူးပေါင်းရင်းမြစ်များ

Matiu 20:23

I watungi tander lena, “A lingmulus ut, a kap na mamaut ra an inum taguni, mur kai mur in inum taguni. Ikut a kinkinis una sot na lamang ma una kair, awu sur iau, a warkurai sur an pitari. O Tita in pitari torom det ra i sa waninar tari sur det.”

A Wakak na Wasiso un o Iesu Karisito o Jon i tumusi 10:18

Kataio in rakon ru anung a nilaun, iau ut an pitari. Iau ut a utur ukai a dekdek sur an pitari, ma iau ut a utur ukai a dekdek sur an los melet pasi. Iri i a pinapam ra o Tita i tulu ru iau sur an pami.”

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Pas anun o Pol torom a taro Rom 8:17

Ra dat a kum nutnutunu, dat in rakon a kum utna anun o God, tomo nam o Karisito. Ra dat in taramo a mamaut tomo nam o Karisito, numur dat in kis tomo nami una nun a minamar.

A Pas anun o Pol torom a taro Rom 8:29

Numugu utmakai o God i sa tasman anun a taro. Ma numugu utmakai, i sa pilok pas det sur det in elar nam o Nutunu, sur i a mugano tan a susut na tistisino.

A Pas anun o Pol torom a taro Rom 8:36

Elar nami ra di sa tumus tari una Buk Tabu, “A kum bung rop a taro det nem na um doko met, uni met anum a taro. Met elar nama kum sipsip ra di waninar sur din um doko det.” Sng 44:22

2 Korin 1:10

A lingmulus ut, o God i ulaun pas met ra milau met in mat, ma in ulaun melet pas met. Ma met nurnur uni lena, in ulaun pas met una kum bung kuri numugu,

2 Korin 1:5

Met taramo a kum lamlabino ngunungut ra o Karisito i sa taramo tari, ma lenkutkai ra met taramo a labino umumarom anun o Karisito una numet a nilaun.

2 Korin 13:4

I lingmulus, ra di sak wat o Karisito unin nanai kutus, katu dekdekino. Ikut una dekdekin o God, i laun melet. Lenkutkai ra kalako dekdeki met tomo nam o Karisito, ikut met laun tomo nami nama dekdekin o God, sur met in papam torom mot.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

Galesia 6:17

Turpasi uniri, gong taio in utikidis iau, uni a kum burlain una pining det ukinalongi lena iau anun o Iesu.

Epeses 4:13

Det in pami lenra tuk ra dat in takai kut una nurnur, ma dat rop dat in tasman wakak a Nutun o God, ma dat in nanpat a kum dekdek na tene nurnur. Dat in lubung tuk dat in bukus nama kudulano nilaun anun o Karisito.

Pilipai 3:8

I lingmulus, a kum utna rop ri, det a kum utna oros mukut torom iau. Ara utna kut ra i labo sakit, a tasman o Karisito Iesu anung a Labino. A sa ubek ru a kum utna rop ri, kibino un o Karisito. Det elar mukut nama beren umatang, sur an los pasi mukut o Karisito una nung a nilaun,

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Kolosi 2:13

Numugu a niomot i mat, uni mot pam a kum sakino petutna, ma ka di rakon ru a laulau na nemnem ina pinimot. Ikut uniri, o God i sa ulaun pas mot tomo nam o Karisito. I sa unus ru anundat a kum sakino petutna rop.

Kolosi 3:1

O God i sa ukatutur tomo pas mot nam o Karisito gusun a minat, i mo ra, i wakak sur mot in ubek a kudulano nuknuki mot una kum utna sapat una langit, ra o Karisito i kis iai, una papor sot na laman o God.

1 Pita 1:3

Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,

2 Pita 1:13

Ra a laun utmakai una pining, a nuki lena, i tokodos sur an wangun melet tar a nuknuki mot una kum utna ri.

1 Jon 2:3

Ra dat mur anun a kum warkurai, dat talapor lena dat tasmani ut o God.

1 Jon 2:5

Ra taio i mur a wasiso anun o God, a marmaris anun o God in kis mulus uni. A ukinalong ra dat tasmani lena dat anun o God i lenri:

Tamtama 1:18

Iau a laun. A sa mat pas, tama i, a sa laun tukum ma a pam ukai a kum ki ina minat ma ina tamon Edes, a tamon anundet ra det mat.