Pilipai 3:1 - Nupela Testamen long tokples Kandas

¹ A kum tistising, a ururop na wasiso ri, a tumusi torom mot: Mot in gas uni mot anun a Labino. A gas sur an tumus melet a kum utna ra a sa tumus tari munung torom mot, sur in warut mot.

Pilipai 3:1 ပူးပေါင်းရင်းမြစ်များ

Matiu 5:12

Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

Luk 1:47

ma in balang i gas un o God, anung a Tene Ulaun,

A Pas anun o Pol torom a taro Rom 5:11

Awu sur i kut ra. Uniri dat gas utkai tomo nam o God, kibino ut una nundat a Labino o Iesu Karisito, ra i umarom tomo tar dat nam o God.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

Epeses 6:10

Anung a kum ururop na wasiso i lenri: Mot in tur dekdek una labino dekdekin a Labino.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Pilipai 4:4

Mot in ser gas una kum bung rop, uni mot tagun a Labino. Ma an watung meleti lena, mot in gasgas.

Pilipai 4:8

A kum tistising, a ururop na wasiso ri a tumusi torom mot: A nuknuki mot in kis una kum utna ri: asau ra i lingmulus, asau ra di urur uni, asau ra i tokodos, asau ra katu dur uni, asau ra i tamtama wakak ma asau ra a taro det watungi lena i wakak. Ra tu utna in wakak sakit, o ra tu utna di watung ulabo pasi, a nuknuki mot in kis uni.

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

1 Tesalonaika 5:16

Mot in ser gas.

Jems 1:2

A kum tistising, ra lako kum ngas na maut in nanpat torom mot, mot in gas,

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

2 Pita 3:1

A kum wakak na paspasang, a pas ri, i a manru na pas ra a tumusi torom mot. Ma una aru pas rop ri, a unuk melet tar mot una kum utna ra mot sa tasmani, sur an ukatutur a nuknuki mot sur in tokodos.