Pilipai 2:26 - Nupela Testamen long tokples Kandas

²⁶ I nem doko i sur in tama melet mot rop, ra i tupunuk uni mot longoro i lena i misait.

Pilipai 2:26 ပူးပေါင်းရင်းမြစ်များ

Matiu 11:28

“Mot rop ra pinimot i ngoro ma a kum mamaut i monong mot, mot in nan torom iau, sur an umana mot.

Matiu 26:37

Ra i ben pas o Pita tomo nama ru nutnutun o Sebedi. Una du bung ut ra, i tupunuk ma i maut doko a nuknukino.

Aposel 21:13

Ikut o Pol i balu met lena, “Ilai ra mot tangis, ma mot utupunuk iau? A sa pitar tar iau sur det in ker iau ma din um doko iau utkai sapat o Jerusalem, kibino una risan a Labino o Iesu.”

A Pas anun o Pol torom a taro Rom 1:11

A nem doko i sur an tama mot, sur an tabor mot nama etabor, sur in udekdek a niomot.

A Pas anun o Pol torom a taro Rom 12:15

Ra a taro det gas, mot in gas tomo nam det. Ra det domos, mot in domos tomo nam det.

A Pas anun o Pol torom a taro Rom 9:2

A nuknuking i maut doko, ma ka mana nama tupunuk.

1 Korin 12:26

Ra tu du pinindat i ngungut, a kum du pinindat rop det in ngungut tomo nami. Ma ra di watung ulabo pas tu du pinindat, a kum du pinindat rop det in gas tomo nami.

2 Korin 9:14

Det in wararing sur mot, ma det in nem doko mot, uni o God i ese anun a labino marmaris torom mot.

Galesia 6:2

Mot in warut etetalai mot una numot a kum mamaut. Ra mot pami lenri, mot pam sot pas a warkurai anun o Karisito.

Epeses 3:13

I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.

Pilipai 1:3

A watung wakak torom anung a God una kum du bung rop ra a nuk pas mot.

Pilipai 1:8

O God i tasmani lena, a nem doko i sur an tama mot rop, uni a nem doko mot nama marmaris anun o Karisito Iesu.

Pilipai 2:25

A nuki lena, in wakak ra an tulu melet o Epaproditus, a tisindat torom mot. Mir papam tomo ma i ser tur warut iau una inaim sur a Wakak na Wasiso, ma i a tultul anumot ra mot tulu ru i sur in warut iau, nama kum utna ra a sibo suri.

Pilipai 2:27

A lingmulus ut ra i misait, milau in mat. Ikut o God i marisi, ma awu sur i maris o Epaproditus kut, i maris iau utkai, sur gong a tupunuk melet.

Pilipai 4:1

I mo ra a kum tistising, mot in tur dekdek una Labino, lenutra a sa inanos tar mot nami. A nem doko mot, ma a nem doko i sur an tama mot, uni mot anung a gasgas ma mot elar nama ikul una nung a pinapam.

1 Pita 1:6

A utna ri in ugasgas doko mot. I lingmulus ut, uniri mot in taramo a wur ngas na mamaut, ikut ken suano i.