Pilipai 2:12 - Nupela Testamen long tokples Kandas

¹² A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Pilipai 2:12 ပူးပေါင်းရင်းမြစ်များ

Matiu 11:12

“Turpasi una kilalo ra o Jon a Tene Baptaiso i turpas a warawai ma tuk uniri, a matanitu tagisapat una langit i dekdek sur in lubung, ma a dekdek na taro det dekdek doko nama inaim sur det in turbati.

Matiu 11:29

Mot in los anung in nikip, ma mot in ususer tang, uni a magirang i wowowon ma a ser unatino pas iau. Mot in los in nikip ri sur a niomot in mana.

Aposel 16:29

A tene tamtamabat i kakabo sur lako kum lam, ra i kalabor ruk lakit torom o Pol ma o Sailas. I ngara ma i neneder, ra i puku pirso taru numugu tander.

Aposel 9:6

Uniri, un katutur ma un nanpat utiro una tamon Damaskus, ra din inanos ui nama sau ra un pami.”

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

1 Korin 2:3

Ra a wanpat torom mot, katu dekdeking, a ngara ma a neneder doko.

1 Korin 4:14

Ka tumus a kum wasiso ri sur an ban umaimai mot nami. A tumusi sur an ukodos mot, uni mot elar nama kum nutnutung ra a nem doko mot.

2 Korin 7:15

O Taitus i gas doko un mot, ra i nuk pasi ra mot rop mot mur anun a wasiso ma mot gas pasi nama nginara.

Epeses 6:5

Mot a kum tene ititula, mot in mur a wasiso anun anumot a kum mugumugu taginin una rakrakon bual, ma mot in ngara ma mot in urur torom det. Mot in pami nama lingmulus unin balamot, elar nami ra mot mur a wasiso anun o Karisito.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Pilipai 1:29

Uni o God i udan mot. Awu sur i udan mot nama numot a nurnur kut un o Karisito, awu, i udan mot nama mamaut kai, ra mot taramo i uni mot tagun o Karisito.

Pilipai 1:5

uni mot tur tomo nam iau una Wakak na Wasiso, turpasi ut una mugano bung ra mot longoro i tuk uniri.

Pilipai 1:6

A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.

Pilipai 2:19

A nurnur una Labino o Iesu, ra milau mo an tulu ru o Timoti torom mot, sur an longoro tu wasiso un mot ra an gas.

Pilipai 4:1

I mo ra a kum tistising, mot in tur dekdek una Labino, lenutra a sa inanos tar mot nami. A nem doko mot, ma a nem doko i sur an tama mot, uni mot anung a gasgas ma mot elar nama ikul una nung a pinapam.

Pilipai 4:15

Mot a taro Pilipai, mot tasmani lena, ra a turpas a warawai nama Wakak na Wasiso tiro una papor Masedonia, ra numur a wan tagitiro o Masedonia, kalako taro na lotu det tur tomo nam iau sur det in warut iau nam tu etabor, awu, mot sot kut.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

2 Timoti 2:10

I mo ra a taramo a kum ngunungut, ikut a tur dekdek ut, sur det ra o God i sa pilok pas det, det kai det in nurnur un o Karisito Iesu ma in ulaun pas det, ma det in los a minamar tukum.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Ibru 4:1

A liliman ra o God i uliliman taru nami kuri utmakai, sur dat in ruk una nun a tamon na mana. I mo ra dat in tumarong, sako tu pasamot ken ruk lar pas uni.

Ibru 4:11

I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.