Pilipai 2:11 - Nupela Testamen long tokples Kandas

¹¹ ma det rop det in watung puaso i lena, o Iesu Karisito i a Labino, sur det in ulabo pas o God a Tamandat.

Pilipai 2:11 ပူးပေါင်းရင်းမြစ်များ

Matiu 10:32

“Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau.

Luk 2:11

Uniri, una tamon anun o Dewid, di sa usus pas anumot a Tene Ulaun, i a Karisito, a Labino.

A Wakak na Wasiso un o Iesu Karisito o Jon i tumusi 12:42

A susut na taro det nurnur un o Iesu. A ramano kum mugumugu kai tagun a taro Juda det nurnur, ikut ka det wasiso puaso uni, sako a kum Parisi det in turbat ru det gusun a kum rumu na lotu.

A Wakak na Wasiso un o Iesu Karisito o Jon i tumusi 13:13

Mot watung iau a ‘Tene Ususer’ ma a ‘Labino’. I tokodos ut anumot a wasiso, uni a risang ut ra.

A Wakak na Wasiso un o Iesu Karisito o Jon i tumusi 13:14

Iau anumot a Labino ma a Tene Ususer, ma a sa gos tar a kum kikimot. I wakak sur mot kai mot in ser gos etetalai a kum kikimot.

A Wakak na Wasiso un o Iesu Karisito o Jon i tumusi 14:13

Ma a kum utna rop ra mot saringi nama risang, an pam sot pasi, sur o Tita in los a minamar un o Nutunu.

A Wakak na Wasiso un o Iesu Karisito o Jon i tumusi 14:23

O Iesu i balu i lena, “Ra taio i nem iau, in mur anung a kum etowo. O Tita in nemi, ma mir nam o Tita mir in nan toromi, ma mir in kis tomo nami.

A Wakak na Wasiso un o Iesu Karisito o Jon i tumusi 17:1

Ra o Iesu i sa watung rop tar a kum wasiso ri, i tamtama tito usapat una langit, ra i watungi lena, “Tita, a du bung i sa wanpat, un pitar a minamar torom o Nutum, sur o Nutum in pitar a minamar torom ui.

A Wakak na Wasiso un o Iesu Karisito o Jon i tumusi 20:28

O Tomas i watungi tano lena, “Anung a Labino ma anung a God!”

A Wakak na Wasiso un o Iesu Karisito o Jon i tumusi 5:23

sur a taro rop det in ru o Nutunu elar nami ra det ru o Tamano. Osi ra ke ru o Nutunu ke ru i kai o Tamano, i ra i tulu ru i urin.

A Wakak na Wasiso un o Iesu Karisito o Jon i tumusi 9:22

O tamano ma o nano der wasiso lenri, uni der ngaran a kum te Juda, ra det watungi lena, ra taio in nurnur un o Iesu lena i a Karisito, din turbat ru i gusun a rumu na lotu.

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

Aposel 2:36

“I mo ra mot a taro Israel rop mot in tasman wakaki: O Iesu ra mot sak wat tari unin nanai kutus, o God i sa ukis tari sur i a Labino ma a Karisito.”

A Pas anun o Pol torom a taro Rom 14:11

Elar nami ra di sa tumus tari una Buk Tabu lena, “A Labino i watungi lena, ‘Ra i lingmulus a laun, a wasiso kai ri i lingmulus: A taro rop det in kis butkeke sa numugu tang, ma a taro rop det in watung puaso i lena iau o God.’” Ais 45:23

A Pas anun o Pol torom a taro Rom 14:9

I mo ra o Karisito i mat ma i laun melet, sur i a Labino anundet ra det sa mat, ma anundet kai ra det laun.

A Pas anun o Pol torom a taro Rom 15:9

I wanpat kai sur a taro ra awu sur a taro Juda det in watung ulabo pas o God una nun a marmaris. Elar nami ra di sa tumus tari una Buk Tabu lenri, “I mo ra an watung ulabo pas ui nisan a taro ra awu sur a taro Israel, ma an kelekele na watung gasgas torom ui.” 2 Sml 22:50

1 Korin 12:3

I mo ra an watungi tamot lenri, katutaio ra a Nion o God in mugu i, in watung lar pasi lena, “O Iesu in iru tukum.” Ma katutaio in watung lar pasi lena, “O Iesu a Labino,” ra a Tokodos na Nion ke mugu i.

1 Korin 15:47

A mugano Adam i taginin upiso, ma o God i pami nama piso. A manru na Adam tagisapat una langit.

1 Korin 8:6

Ikut, dat tasmani lena ara God kut, a Tamandat, i ra a kibin a kum utna rop, ma i ra dat laun suri. Ma dat tasmani lena ara Labino kut, i o Iesu Karisito, i ra i ukis a kum utna rop, ma i pitar tar a nilaun torom dat.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Jon 4:15

Ra taio i wasiso puaso lena, o Iesu a Nutun o God, o God i laun uni, ma i kai i laun un o God.

1 Jon 4:2

Mot in tasman lele a Nion o God lenri: Det ra det watungi lena o Iesu Karisito i wanpat a musano mulus, det tagun o God.

2 Jon 1:7

A susut na tene torotoro det sa wan sarara nin una rakrakon bual. Det ipul kut lena, o Iesu Karisito awu sur i wanpat a musano mulus. A ngas na musano ra, i a tene torotoro, ma a ebar anun o Karisito.

Tamtama 3:5

Osi ra i winim pas a inaim, in emar elar nam det namin kabang na malu. Ma kan unus ru a risano gusun a buk na nilaun, ma an watung puaso i umatan o Tita ma anun a kum ensel.