Pilipai 1:26 - Nupela Testamen long tokples Kandas

²⁶ Ra dat in tamtama tomo melet, anumot a gasgas un o Karisito Iesu in bukus ma in tiltilingis, kibino un iau.

Pilipai 1:26 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 16:22

Lenkutkai ra torom mot, uniri mot tupunuk, ikut an tama melet mot, ra mot in gas. A ngas na gas ri, kataio in pet lar pasi sur in rakon ru i gusun mot.

A Wakak na Wasiso un o Iesu Karisito o Jon i tumusi 16:24

Tuk uniri, ka mot sasaring utmakai sur tu utna nama risang. Mot in sasaring ra din tabor mot, sur a gasgas in bukus una numot a nilaun.

2 Korin 5:12

Ka met nem na ulabo pas met torom mot, awu. Met nemi sur mot in warango met, ma sur mot in balu det ra det ser warango det un asau ra a taro det ulabo det uni, ikut ka det ngara sur a balandet in tokodos.

2 Korin 7:14

Ra ke wan utmakai, a warango mot toromi, ma ka mot ban umaimai iau. A kum utna ra met watungi tan o Taitus un mot i lingmulus, elar nam anumet a kum wasiso rop torom mot i lingmulus.

2 Korin 7:4

A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.

2 Korin 7:6

Ikut, o God ra i ser umarom a taro ra det tupunuk, i umarom met nama inawan pat anun o Taitus torom met.

Galesia 6:4

Arara tagun mot in lar anun a kum pinapam ut, sur i ut in gas nami. Ikut, gong i elaro i nam tu pinapam anun taio.

Pilipai 3:1

A kum tistising, a ururop na wasiso ri, a tumusi torom mot: Mot in gas uni mot anun a Labino. A gas sur an tumus melet a kum utna ra a sa tumus tari munung torom mot, sur in warut mot.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Pilipai 4:10

A gas doko una Labino, uni uniri, mot sa nuk melet iau. I sa suano i ra ka mot warut iau, ikut, a lingmulus, ka mot dumano iau, ikut katu kisapi sur mot in warut iau.

Pilipai 4:4

Mot in ser gas una kum bung rop, uni mot tagun a Labino. Ma an watung meleti lena, mot in gasgas.