Pilipai 1:25 - Nupela Testamen long tokples Kandas

²⁵ A tasman mulusi lena, an laun ma an kis tomo nam mot, sur mot in lubung, ma mot in gas una nurnur.

Pilipai 1:25 ပူးပေါင်းရင်းမြစ်များ

Luk 22:32

Ikut a sa wararing taru sur ui, Saimon, sur gong anum a nurnur i puku. Ra u sa nukpukus melet, un udekdek a kum tistisim.”

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

Aposel 20:25

“A tasmani lena mot rop, ra a wan tuptupukus torom mot nama warawai una matanitu anun o God, ka mot in tama melet iau mo.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:18

Ka nem na wasiso un tu utna gisen. A nem na wasiso kut una pinapam, ra o Karisito i sa pam tari ulamang, sur an ben a kum taro ra awu sur a taro Juda sur det in mur a wasiso anun o God. Det muri kibino una nung a kum wasiso ma anung a kum pinapam.

A Pas anun o Pol torom a taro Rom 15:29

Ma a tasmani lena, ra an nanpat torom mot, an bukus nama kum utna na nion ra o Karisito i udan tar iau nami, sur in warut mot.

A Pas anun o Pol torom a taro Rom 5:2

Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

Pilipai 1:24

Ikut i wakak sakit sur an laun, ra an warut mot.

Pilipai 2:24

Ma a nurnur una Labino lena, milau mo, iau ut an nanpat torom mot.

Pilimon 1:22

Ara utna kai: A saring ui sur un waninar tu kukur rumu sur iau, uni a nurnur lena, o God in upirso ru iau gusun a karabus sur an milet melet torom mot. Iri a win anumot a kum niaring.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.