Pilimon 1:22 - Nupela Testamen long tokples Kandas

²² Ara utna kai: A saring ui sur un waninar tu kukur rumu sur iau, uni a nurnur lena, o God in upirso ru iau gusun a karabus sur an milet melet torom mot. Iri a win anumot a kum niaring.

Pilimon 1:22 ပူးပေါင်းရင်းမြစ်များ

Aposel 27:24

I watungi tang lena, ‘Pol, gong u ngara, un tur ut una warkurai umatan a Sisa. Ma det kai ra mot tomo una sip, o God i sa pitar tar det tam, sur mot in laun rop.’

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

A Pas anun o Pol torom a taro Rom 15:24

Ra an nan utong o Spein, a nuki lena an kis lilik pas nisamot ma dat in gas tomo pas. Numur an katutur melet sur an nan utong o Spein. Ma a nemi sur mot in warut iau una nung a inawan utong.

2 Korin 1:11

ra mot in warut met nama niaring. I mo ra a susut na taro det in watung wakak torom o God, sur met, uni i maris met ra i longoro anundet a kum niaring.

Pilipai 1:19

uni a tasmani lena, una numot a kum niaring, ma a warut anun a Nion o Iesu Karisito, asau ra i wanpat un iau din pukusi sur an langolango.

Pilipai 2:24

Ma a nurnur una Labino lena, milau mo, iau ut an nanpat torom mot.

Ibru 13:19

Ma a saring dekdek mot, sur mot in wararing, sur o God in tulu lakit melet iau torom mot.

Ibru 13:23

An inanos mot, una tisindat o Timoti, di sa upirso ru i gusun a karabus. Ra in nanpat lakit nin, mir rop mir in nanpat torom mot.

Jems 5:16

I mo ra mot in wasiso puaso etetalai torom mot una numot a kum sakino petutna, ra mot in wararing un mot etetalai, sur a Labino in ulangolango pas mot. A niaring anun a tene tokodos i dekdek sakit, ma i wu pat a wino.

2 Jon 1:12

A susut na utna ra an tumusi torom mot, ikut ka nemi sur an tumtumus una dono pepa namin nepen. A nuki sur an nan ut torom mot, ma dat ut dat in wasiso tomo, sur anundat a gasgas in bukus.

3 Jon 1:14

Ikut a nuki lena, milau dar in tamtama tomo, sur dar ut dar in wasiso tomo.