Pilimon 1:14 - Nupela Testamen long tokples Kandas

¹⁴ Ikut ka nemi sur an ungongos pas ui sur un warut iau, ui ut un pami elar nama num a gasgas. Kan pam tu utna, tuk ui ut un mulaot.

Pilimon 1:14 ပူးပေါင်းရင်းမြစ်များ

1 Korin 9:17

Ra iau ut a nemi sur an warawai, an losi ut anung tu ikul. Ikut, ra awu sur anung tu nemnem suri, an pami kut a pinapam ra o God i sa pitar tari tang.

1 Korin 9:7

Osi na tene inaim ra i ut in kul pas a kum utna ra i sibo suri? Osi ra in marut a kinobot na wain ma ken nan pas lako wino gusuni? Osi ra in tamtamabat a kum sipsip ma ken inum pas lako polo na sus tagun det?

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

2 Korin 8:12

Ra mot gasgas sur mot in etabor, o God in gas uni. O God i nemi sur mot in etabor tagun a utna ra mot utur ukai i, awu sur tagun a utna ra ka mot utur ukai i.

2 Korin 9:5

Iri a kibino ra an tulu mugu ru a tulu musano ri utiro, ma detul in warut mot sur mot in waninar a etabor ra mot sa liliman taru sur mot in pitari. Ra mot sa waninar mugu tar anumot a etabor, in elar ut nama etabor mulus, ma ken elar nama utna ra di ungongos pasi kut gusun mot.

2 Korin 9:7

Mot taktakai, mot in pitari kut a utna ra mot sa nuki lena, mot nem na pitari. Ma gong mot pitar a utna ra ka mot gas sur mot in pitari, ma gong mot etabor uni di ungongos tar mot kut. Uni o God i nem det ra det etabor nama gasgas.