A Wakak na Wasiso un o Iesu Karisito o Mak i tumusi 9:50 - Nupela Testamen long tokples Kandas

⁵⁰ A sol i wakak, ikut ra a makasmanino i sa rop, mot in umakasman meleti mo pepetlai? Ken elar! I wakak ra a sol in kis un mot, ma mot in kis na emarom tomo.”

A Wakak na Wasiso un o Iesu Karisito o Mak i tumusi 9:50 ပူးပေါင်းရင်းမြစ်များ

Matiu 5:13

“Mot a sol tagun a rakrakon bual. Ikut, ra a makasmanino i sa rop, din umakasman meleti mo pepetlai? Katu utna mo i gas uni. Din woro pirso ru i unago utamon, ma a taro det in papapas mukut netes uni.

A Wakak na Wasiso un o Iesu Karisito o Mak i tumusi 9:34

Ikut ka det balu i, uni det engaras sur osi ra i labo taun det.

A Wakak na Wasiso un o Iesu Karisito o Mak i tumusi 9:49

A taro Juda det ser ubek a sol una etabor ra di pitari torom o God, sur gong det dur umatano. Lenkutkai ra a sungun in tun a taro rop sur gong det dur umatan o God.

A Pas anun o Pol torom a taro Rom 12:18

Ra i topas mot, mot in dekdek sur mot in kis na malmal nama taro rop.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Epeses 4:29

Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Kolosi 3:12

Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot.

Kolosi 4:6

Ra mot in wasiso torom det, anumot a wasiso in wakak, ma in namnamin torom det, sur mot in balu anundet a kum iting nama tokodos na minabalu torom det rop taktakai.

1 Tesalonaika 5:13

Mot in ese a labino urur ma a marmaris torom det, kibino una nundet a pinapam. Ma mot in kis na malmal etetalai.

2 Timoti 2:22

Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det.

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

Jems 1:20

Uni a kankan anun taio ken waruti, sur in pam a tokodos na petutna ra o God i nemi.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.