A Wakak na Wasiso un o Iesu Karisito o Mak i tumusi 16:18 - Nupela Testamen long tokples Kandas

¹⁸ det in pam a kum sui ra i ser karot doko a taro, ikut ken ban laulau det, ma ra det in inum a sangsagor, ken ban laulau det, ma det in ubek a kum lamandet una kum misait, ra det in langolango.”

A Wakak na Wasiso un o Iesu Karisito o Mak i tumusi 16:18 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 5:23

ma i saring dekdeki lena, “A nutunglik, a ino, i sa ling na mat. Aiap, dar in nan ma un ubek a lamam sapat netes uni, sur in langolango ma in laun.”

Luk 10:19

Tama i, a sa pitar tar a dekdek tamot sur mot in pas watwat a kum sui ma a kum bukalo kai, ma sur mot in winim pas a dekdekin a ebar, ma katu utna in ban laulau mot.

Aposel 19:12

Ma a taro det los pas anundet a kum du tawol, ma a kum du malu kai, ra det ubek pasi una pinin o Pol. Numur det ubeki una kum misait ra det langolango, ma a kum laulau na nion kai det pirso mut gusun det.

Aposel 3:12

O Pita i tama det, ra i watungi tandet lena, “Mot a taro Israel, ilai ra mot kisin una utna ri, ra mot tama dekdek mir? Pepetlai, mot nuki lena mir ulangolango pas a musano ri nama dekdeki mir ut? Awu! Mot nuki lena mir ulangolango pasi uni mir tokodos umatan o God? Awu!

Aposel 3:16

Una nurnur una risan o Iesu, di ulangolango pas a musano ri, ra mot tama i ma mot tasmani. A nurnur una risan o Iesu i ulangolango pas a musano ri umatamot rop.

Aposel 4:10

Mot ma a taro Juda rop, mot in tasmani lena, a musano ri ra i tur numugu tamot, di ulangolango pasi nama risan o Iesu Karisito a te Nasaret, i ra mot sak wat tari unin nanai kutus, ma o God i ukatutur melet pasi gusun a minat.

Aposel 4:22

Uni a musano, ra di pam a utna na ukisin uni ra i langolango, anun a kilalo i labo taun a wat na noino.

Aposel 4:30

Un warut met nama dekdekim sur a kum misait det in langolango, ma a kum utna na ukisin ma a kum ukinalong det in nanpat una risan o Iesu, anum a Tasur na Tultul.”

Aposel 9:34

Ra o Pita i watungi tano lena, “Ainias, o Iesu Karisito i sa ulangolango pas ui. Un katutur, ma un pul pas a bam.” Ra uniutra i katutur.

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

1 Korin 12:9

Ma a Nion ut ra, i tabor ara kai nama nurnur, ma a Nion ut ra, i tabor ara kai nama etabor sur in ulangolango a kum misait.