A Wakak na Wasiso un o Iesu Karisito o Mak i tumusi 16:17 - Nupela Testamen long tokples Kandas

¹⁷ A kum tene nurnur det in pam a kum utna na ukisin ri: Det in lakro ru a kum laulau na nion nama risang, ma det in wasiso nama kum matok na ngas na wasiso,

A Wakak na Wasiso un o Iesu Karisito o Mak i tumusi 16:17 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 9:38

O Jon i watungi tan o Iesu lena, “Tene Ususer, met tama ara musano i lakro ru a kum laulau na nion nama risam, ra met turbati, uni i awu sur tagun dat.”

Luk 10:17

A wonom mawit na noino ma aru det milet melet nama gasgas ma det watungi lena, “Labino, ra met lakro ru a kum laulau na nion nama risam, det pirso kut.”

A Wakak na Wasiso un o Iesu Karisito o Jon i tumusi 14:12

“A inanos mot nama lingmulus, o naro ra i nurnur un iau, in pam a kum pinapam elar nami ra iau a ser pami. Ma in pam a kum lamlabino pinapam taun a kum pinapam ra a sa pam tari, uni an nan torom o Tita.

Aposel 10:46

Uni det longoro det, ra det wasiso nama kum ngas na wasiso ma det watung ulabo pas o God.

Aposel 16:18

A susut na bung i pami lenra. Ra a pinin o Pol i sa ngoro nami, i tupukus, ra i watungi tan a laulau na nion lena, “Una risan o Iesu Karisito, a watungi tam, un pirso gusun a ino ri.” Uniutra a laulau na nion i pirso gusuni.

Aposel 19:6

Numur o Pol i ubek aru lamano netes un det, ra a Tokodos na Nion i kis mut un det, ma det wasiso nama wur ngas na wasiso, ma det wasiso na poropet.

Aposel 2:33

Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.

Aposel 5:16

Ra a susut na taro tagitong una kum tamon milau o Jerusalem, det wanpat. Det los a kum misait, ma det ra a kum laulau na nion det ban laulau det, ma di ulangolango pas det rop.

Aposel 8:7

I lakro ru a kum laulau na nion gusun a susut, ma a kum laulau na nion, ra det pirso, det kukukuk dekdek. Ma i ulangolango pas a susut ra a pinpinin det i mat, ma det kai, ra ka det wan lar pas.

1 Korin 12:10

Ma i tabor ara kai nama dekdek sur in pam a kum utna na ukisin, ma ara kai nama wasiso na poropet. Ma i tabor ara kai nama mananos sur in tasman lele a Tokodos na Nion ma a kum nion gisen kai, ma ara kai nama mananos sur in wasiso nama wur ngas na wasiso, ma ara kai nama mananos sur in palos a kukurai ina wur ngas na wasiso.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

1 Korin 12:30

Det rop o God i pitar a etabor torom det sur det in ulangolango pas a kum misait? Awu. Det rop det wasiso nama wur ngas na wasiso? Awu. Det rop det ser palos a kukurai ina wur ngas na wasiso? Awu.

1 Korin 13:1

Ra an wasiso nama wur ngas na wasiso anun a taro ma anun a kum ensel kai, ikut ra ka lason una marmaris, a elar kut nama garamut o a kudu ra i tangtangis oros kut.

1 Korin 14:2

Uni taio ra in wasiso nama wur ngas na wasiso, ke wasiso torom a taro, awu, i wasiso torom o God. A taro ka det tasman a kukuraino. I watung a kum utna na pidik nama dekdekin a Tokodos na Nion.