A Wakak na Wasiso un o Iesu Karisito o Mak i tumusi 15:21 - Nupela Testamen long tokples Kandas

²¹ Tiro una kisapi a kum tene inaim det ling sur det in nan sakit ara te Sairini, a risano o Saimon, a taman o Aleksanda mo Rupus, i wan tagitong un ara tamon sur in nan usapat o Jerusalem. Det ungongos tari sur in los in nanai kutus anun o Iesu.

A Wakak na Wasiso un o Iesu Karisito o Mak i tumusi 15:21 ပူးပေါင်းရင်းမြစ်များ

Matiu 27:32

Det pirso ra det barato pas ara te Sairini, a risano o Saimon, ma det ungongos tari sur in los in nanai kutus anun o Iesu.

Matiu 5:41

Ra taio i ungongos pas ui, sur mur in nan tomo, sur tu tamon ra i milau kut, un nan tomo nami sur a tamon ra i kis bakbak lilik.

A Wakak na Wasiso un o Iesu Karisito o Mak i tumusi 15:20

Ra det sa urongon laulau papas uni, det palos ru in pepol na malu gusuni. Det mar tari melet nama nun a kum malu, ma det ben pirso i sur din sak wati unin nanai kutus.

Luk 14:27

Ma osi ra ke los pas anun in nanai kutus ma i mur iau, ken pet lari sur in nanpat anung a nat na ususer.

Luk 23:26

Ra det ben pas o Iesu sur din sak wati unin nanai kutus, det dat pas ara te Sairini, a risano o Saimon, ra i wan tagitong un ara tamon sur in nan usapat o Jerusalem. Ra det ubek tar in nanai kutus usapat netes uni, sur in los murmur o Iesu nami.

A Wakak na Wasiso un o Iesu Karisito o Jon i tumusi 19:17

O Iesu i pirso gusun a tamon Jerusalem, i los pas anun in nanai kutus ra i wan sur a nubual ra di watungi nama “Nubual na Lor na Minat,” ma una wasiso Ibru di watungi lena o Golgota.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

Aposel 2:10

Pirigia ma o Pampilia, ma tagitong o Ijip. Dat tagitong una papor Libia ra i milau o Sairini, ma tagitong o Rom.

Aposel 6:9

Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

A Pas anun o Pol torom a taro Rom 16:13

Mot in pitar anung a marmaris torom o Rupus, i ra a Labino i pilok pasi. Mot in pitar anung a marmaris torom o nano kai. I warut iau elar ut nam o nang.