A Wakak na Wasiso un o Iesu Karisito o Mak i tumusi 14:62 - Nupela Testamen long tokples Kandas

⁶² Ra o Iesu i watungi lena, “Iau ut ra. Ra numur mot in tama a Nutun a Musano in kis una papor sot na laman o God, i ra i dekdek sakit, ma mot in tama i ra in nanpat una kum du bakut tagisapat una langit.”

A Wakak na Wasiso un o Iesu Karisito o Mak i tumusi 14:62 ပူးပေါင်းရင်းမြစ်များ

Matiu 24:30

“Una bung ra, a ukinalong ina Nutun a Musano in nanpat una bakut. Ma a taro tagun a kum gapman rop una rakrakon bual det in domos. Ma det in tama a Nutun a Musano in nanpat una kum du bakut tagisapat una langit, nama dekdek ma a labino minamar.

Matiu 26:64

O Iesu i watungi tano lena, “I ut ra u sa watungi. Ma a watungi tamot lena, turpasi uniri, mot in tama a Nutun a Musano in kis una papor sot na laman o God, i ra i dekdek sakit, ma numur mot in tama i ra in nanpat una kum du bakut tagisapat una langit.”

Matiu 27:11

O Iesu i tur umatan o Pailat, a mugumugu tagun a gapman, ma a mugumugu i tingi lena, “Ui a king anun a taro Juda?” Ra o Iesu i balu i lena, “I ut ra u sa watung tari.”

A Wakak na Wasiso un o Iesu Karisito o Mak i tumusi 13:26

“Una bung ra, a taro det in tama a Nutun a Musano in nanpat una kum du bakut nama labino dekdek ma a minamar.

A Wakak na Wasiso un o Iesu Karisito o Mak i tumusi 15:2

O Pailat i tingi lena, “Ui a king anun a taro Juda?” Ra o Iesu i balu i lena, “I ut ra u sa watung tari.”

A Wakak na Wasiso un o Iesu Karisito o Mak i tumusi 16:19

Ra a Labino o Iesu i sa wasiso taru tandet, o God i ben toto pasi usapat una langit, ma o Iesu i kis una papor sot na laman o God.

Luk 22:69

Ikut, turpasi uniri, a Nutun a Musano in kis una papor sot na laman o God, i ra i dekdek sakit.”

Luk 23:3

O Pailat i tingi lena, “Ui a king anun a taro Juda?” Ra o Iesu i balu i lena, “I ut ra u sa watung tari.”

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.

Ibru 8:10

A Labino i watungi lena: Iri a kunubus ra an pami tomo nama taro Israel, una kum bung numur. An ubek tar anung a kum warkurai una nuknukin det, ma an tumus tari unin balandet. Ma iau a God anundet, ma det anung a taro.

2 Pita 1:16

Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.