A Wakak na Wasiso un o Iesu Karisito o Mak i tumusi 13:26 - Nupela Testamen long tokples Kandas

²⁶ “Una bung ra, a taro det in tama a Nutun a Musano in nanpat una kum du bakut nama labino dekdek ma a minamar.

A Wakak na Wasiso un o Iesu Karisito o Mak i tumusi 13:26 ပူးပေါင်းရင်းမြစ်များ

Matiu 16:17

Ra o Iesu i watungi tano lena, “Saimon, a nutun o Jon, u sa dan, uni kataio i inanos ui nama wasiso ra. O Tita ut ra i kis sapat una langit i unuk tar ui nami.

Matiu 16:27

Uni a Nutun a Musano in nanpat nama minamar anun o Tamano, det nam anun a kum ensel, ma in pitar a ikul torom arara taktakai elar nam anun a pinapam.

Matiu 16:28

A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a Nutun a Musano in nanpat tomo nam anun a matanitu.”

Matiu 24:30

“Una bung ra, a ukinalong ina Nutun a Musano in nanpat una bakut. Ma a taro tagun a kum gapman rop una rakrakon bual det in domos. Ma det in tama a Nutun a Musano in nanpat una kum du bakut tagisapat una langit, nama dekdek ma a labino minamar.

Matiu 25:31

“A Nutun a Musano in nanpat nama nun a minamar, tomo nama nun a kum ensel, ra in kis una nun a kiskis na king. A kiskis ra a labino minamarino.

A Wakak na Wasiso un o Iesu Karisito o Mak i tumusi 14:62

Ra o Iesu i watungi lena, “Iau ut ra. Ra numur mot in tama a Nutun a Musano in kis una papor sot na laman o God, i ra i dekdek sakit, ma mot in tama i ra in nanpat una kum du bakut tagisapat una langit.”

A Wakak na Wasiso un o Iesu Karisito o Mak i tumusi 8:38

A taro tagun uniri, anundet a nilaun i bakbak gusun o God, ma det a kum tene pam sakino. Osi ra in maimai un iau ma una nung a kum wasiso epotor tan a taro ri, a Nutun a Musano kai in maimai uni, ra in nanpat tomo nama kum ensel anun o Tamano ma a minamar anun o Tamano.”

A Wakak na Wasiso un o Iesu Karisito o Mak i tumusi 9:1

Ma i watungi tandet lena, “A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a matanitu anun o God ra in nanpat nama dekdek.”

Luk 21:27

Una bung ra, det in tama a Nutun a Musano in nanpat una du bakut, nama dekdek ma a labino minamar.

Aposel 1:11

Ma der watungi lena, “Mot a kum te Galili, sur asau ra mot tur ma mot tatado usapat una bakut? O Iesu mo sapat, i ra o God i sa ben pasi gusun mot usapat una langit, in nanpat melet urin, elar ut nami ra mot tama ru i, ra i wan usapat netes.”

1 Tesalonaika 4:16

Uni a Labino ut in nan pirso tagisapat una langit, in nalngan ara in kakabo, a mugumugu anun a kum ensel in wasiso, in tuwuru anun o God in tangis, ra det ra det sa mat nama nurnur un o Karisito, det in katutur mugu.

2 Pita 1:16

Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.